പ്രാര്‍ത്ഥനക്ക് മുന്‍പ്...ഒരു നിമിഷം.

ദൈവവചനത്തില്‍ നിന്നും ആവിര്‍ഭവിക്കുന്ന വിശ്വാസം, പരിശുദ്ധാത്മാവിനാല്‍ നയിക്കപ്പെടുമ്പോള്‍ മാത്രമേ ഒരു ക്രിസ്ത്യാനിയുടെ ജീവിതം ഫലദായകമാവുകയുള്ളൂ. നമ്മുടെ പ്രാര്‍ത്ഥനകള്‍  ദൈവസന്നിധിയില്‍ സ്വീകരിക്കപ്പെടുകയുള്ളൂ. പ്രാര്‍ത്ഥനയുടെ അടിസ്ഥാനം നിത്യജീവനാണെന്നും രക്ഷയുടെ ആദ്യാനുഭവം വീണ്ടുംജനനമാണെന്നും നാം കണ്ടുകഴിഞ്ഞു.... അല്ല, അനുഭവിച്ചു കഴിഞ്ഞു എന്നു വിശ്വസിക്കട്ടെ.....  

നാം എല്ലാവരും പ്രാര്‍ത്ഥിക്കുന്നവരാണ്. കുടുംബാഗങ്ങള്‍ ഒന്നു ചേര്‍ന്നും, കൂട്ടായ്മയില്‍ക്കൂടിയും നമ്മള്‍ വിവിധ തരത്തില്‍ പ്രാര്‍ത്ഥിക്കാറുണ്ട്. ദൈവവചന അടിസ്ഥാനത്തില്‍ ഇവയെല്ലാം ശരിയും ആവശ്യവുമാണ്. എന്നാല്‍ ഒരു വിശ്വാസിയുടെ ജീവിതത്തില്‍ വ്യക്തിപരമായ പ്രാര്‍ത്ഥനക്ക്‌ വളരെ പ്രാധാന്യമുണ്ട്. വിശ്വാസികള്‍ ഒന്ന് ചേര്‍ന്ന് പ്രാര്‍ത്ഥിക്കുന്നത് ഒരു വിശ്വാസ പ്രഖ്യാപനം എന്നതിലുപരി വിശ്വാസത്തില്‍ വളരുവാനും, കൂടുതല്‍ ആത്മീയശക്തിയോടുകൂടി മുന്നോട്ടു പോകുവാനും നമ്മെ സഹായിക്കുന്നു. എന്നാല്‍ വ്യക്തിപരമായ പ്രാര്‍ത്ഥന ദൈവവുമായി നടത്തുന്ന ഒരു സ്വകാര്യ സംഭാഷണമാണ്.(Mathew 6:6 )

എപ്പോള്‍ .....എവിടെ വച്ച് .....എങ്ങനെ....ഞാന്‍ പ്രാര്‍ത്ഥിക്കണം ?. 

പ്രാര്‍ത്ഥിക്കേണ്ട സമയമോ, സ്ഥലമോ,  ക്രമങ്ങളോ വചനം നിഷ്കര്‍ഷിക്കുന്നില്ല. ഒരു പുതിയ നിയമ വിശ്വാസി ആത്മാവിനാല്‍ നയിക്കപ്പെടുന്നവനാകയാലും(Romans 8:14), ദൈവാത്മാവ് അവനില്‍ വസിക്കുന്നതിനാലും (Galatians 2:20) പഴയനിയമം അനുശാസിക്കുന്നതുപോലെ ആഴ്ചയില്‍ ഒരിക്കലോ ആണ്ടിലൊരിക്കലോ അല്ല  മറിച്ച്, ജീവിതം മുഴുവന്‍ പ്രാര്‍ത്ഥനയിലായിരിക്കണം. കാരണം അവന്‍ നമ്മെ ഉയര്‍ത്തിയത്‌, നമുക്ക് രക്ഷ നല്‍കിയിരിക്കുന്നത്  നമ്മുടെ പ്രവര്‍ത്തിയാലല്ല മറിച്ച് അവന്റെ കാരുണ്യത്താല്‍  ദാനമായിട്ടാണ്(Ephesians 2:8). അതിനാല്‍ ഞാനല്ല ക്രിസ്തുവാണ്‌ എന്നില്‍ ജീവിക്കുന്നത് (Galatians 2:20) എന്ന വെളിപാട്‌ നമ്മില്‍  ഉണ്ടാകണം.

തിരക്കുപിടിച്ച ഈ ജീവിത ഓട്ടത്തിനിടയില്‍ പ്രാര്‍ത്ഥനയുടെ സമയം ഏതാനും ചില നിമിഷങ്ങള്‍ ... പലപ്പോഴും അതുപോലും ഇല്ലാത്ത ഒരു അവസ്ഥ. ഒരുവിധ യാന്ത്രിക ജീവിതം അല്ലെ സുഹൃത്തേ.... യഥാര്‍ത്ഥ രക്ഷാനുഭവം അനുഭവിക്കാത്തതാണ് ഇതിനു കാരണം.പ്രാര്‍ത്ഥനയ്ക്ക് ഭൗതീകമായ ഒരു തയ്യാറെടുപ്പ് ആവശ്യമാണ്. എന്ന്...എപ്പോള്‍ ...എവിടെ...എങ്ങനെ.....ഈ തീരുമാനം തികച്ചും വ്യക്തിപരമാണ് .  

പ്രാര്‍ത്ഥനയുടെ സമയം :  പ്രഭാതബലി ഒരുക്കി ഞാന്‍ അങ്ങേക്കായി കാത്തിരിക്കുന്നു( Psalms5:3). ആലോചിച്ചുറക്കാതെ രണ്ടുപേര്‍ ഒരുമിച്ചു യാത്ര തിരിക്കുമോ ?(Amos 3:). ദൈവത്തില്‍ ആശ്രയം വച്ച് , പ്രാര്‍ത്ഥനയോടുകൂടി, ആരംഭിക്കുന്ന ദിവസം എത്രയോ സന്തോഷകരം. ദിവസം മുഴുവന്‍ നിലനില്‍ക്കുന്ന ഒരു ഊര്‍ജ്ജമായി നമ്മില്‍ നിലനില്‍ക്കും.പ്രാര്‍ത്ഥനയോടുകൂടി ഒരു ദിവസം അരംഭിക്കുനത് കൂടുതല്‍ അഭികാമ്യം. 

ഈ ലോകത്ത് ആയിരിക്കുന്ന നമുക്ക് ഭൗതീകമായ നിരവധി ഉത്തരവാദിത്വങ്ങള്‍ ഉണ്ട്. എന്നാല്‍ അവയെല്ലാം നിറവേറ്റുന്നതിനൊടൊപ്പം, പ്രാര്‍ത്ഥനയ്ക്ക് വേണ്ടി സ്വസ്ഥമായ ഒരു സമയം ഉണ്ടാക്കിയെടുക്കാന്‍ നാം തന്നെ ശ്രമിക്കണം. സ്വസ്ഥമായ ഒരു സമയം...അതിനാണ് കഴിയാത്തത് എന്നായിരിക്കും ഇപ്പോള്‍ തങ്ങളുടെ മനസ്സില്‍ . മനസിലുള്ള ആലോചന അഗാധമായ ജലം പോലെയാണ് . ഉള്‍കാഴ്ച ഉള്ളവന് അത് കൊരിയെടുക്കാം(Proverbs 20:5 ).നമ്മുടെ ചിന്തകളും മനസും അറിയുന്ന ദൈവം, നാം ആഗ്രഹിച്ചാല്‍ തീര്‍ച്ചയായും ദൈവം വഴിയൊരുക്കും.നാം എന്തുമാത്രം ആഗ്രഹിക്കാറുണ്ട് എന്ന് ചിന്തിച്ച് നോക്കുക. ദിവസത്തില്‍ മറ്റ് എല്ലാ കാര്യങ്ങളും കൃത്യമായി ചെയ്യാന്‍ കഴിയുമെങ്കില്‍  ജീവന്റെ അപ്പം ഭക്ഷിക്കാന്‍, പ്രാര്‍ത്ഥിക്കാന്‍ എന്തുകൊണ്ട് നമുക്ക് സമയം ലഭിക്കുന്നില്ല ?.വചനം പറയുന്നു' എല്ലാ സമയവും ആത്മാവില്‍ പ്രാര്‍ത്ഥനാനിരതരായിരിക്കുവിന്‍'(Ephesian 6:18). നിശ്ചിത സമയത്തിനല്ല മറിച്ച് ദൈവീക അനുഭവത്തിനാണ് പ്രാധാന്യം.

സ്ഥലം  : പഴയനിയമ ക്രമമനുസരിച്ച് ദൈവീക മഹത്വം നിറഞ്ഞിരിക്കുന്നത്‌ കൂടാരത്തില്‍ അതിവിശുദ്ധ സ്ഥലത്താണ്(Exodus 25:21-22). എന്നാല്‍ പുതിയ നിയമ വിശ്വാസിയോട് വചനം പറയുന്നു 'നിങ്ങള്‍ ദൈവത്തിന്റെ ആലയം ആണെന്നും ദൈവാത്മാവ് നിങ്ങളില്‍ വസിക്കുന്നുവെന്നും നിങ്ങള്‍ അറിയുന്നില്ലേ ??(1Corinthians 3:16). എന്നാല്‍ നമ്മളോ ദൈവം വസിച്ചിരുന്ന മനുഷ്യ നിര്‍മ്മിതമായ ആലയം, കാലഹരണപ്പെട്ട  ആ  പഴയനിയമ കൂടാരം  അന്വേഷിച്ചു നടക്കുന്നു(Acts 17:24). ഇത്തരം പാരമ്പര്യ വിശ്വാസത്തില്‍ നിന്നും, പുണ്യ സ്ഥലങ്ങള്‍ എന്ന് മനുഷ്യര്‍ വിളിക്കുന്ന  ചില പ്രത്യേക സ്ഥലങ്ങളില്‍ പോയി പ്രാര്‍ത്ഥിച്ചാല്‍ ദൈവം നമ്മുടെ പ്രാര്‍ത്ഥന കേള്‍ക്കും എന്ന  ക്രിസ്തീയാടിസ്ഥാനമല്ലാത്ത, തെറ്റായ വിശ്വാസം നാം പുലര്‍ത്തി പോരുന്നു. ഇവിടെ പ്രാര്‍ത്ഥന എന്നത് ദൈവത്തോടുള്ള ബന്ധം എന്നതില്‍ നിന്നും ആ സ്ഥലത്തോടും സാഹചര്യത്തോടുമുള്ള ഒരു  വിശ്വാസം ആയി മാറ്റപ്പെടുന്നു .എളുപ്പത്തില്‍ ദൈവത്തെ അനുഭവിക്കാന്‍ മനുഷ്യന്‍ കണ്ടെത്തുന്ന കുറുക്കുവഴികള്‍ . സ്വസ്തമായിരിക്കാന്‍ കഴിയുന്ന എവിടെയും നമുക്ക് പ്രാര്‍ത്ഥിക്കാം.വീട്ടിലോ, കാറിലോ,മറ്റു എവിടെയുമാകട്ടെ, പ്രാര്‍ത്ഥിക്കുന്ന സ്ഥലമല്ല മറിച്ച്  ദൈവം നമ്മില്‍ വസിക്കുന്നു(Galatians 2:20) എന്ന തിരിച്ചറിവാണ് പ്രാധാന്യം. നമ്മുടെ ആത്മീയ അന്ധതയെ നീക്കി വചനത്തിന്റെ പ്രകാശത്തില്‍ നടക്കാം.   

സൗകര്യം : മുട്ടുകള്‍ കുത്തി, കൈകള്‍ ഉയര്‍ത്തി പ്രാര്‍ത്ഥിക്കുന്ന രീതികള്‍ പഴയനിയമത്തില്‍ നമുക്ക് കാണാന്‍ കഴിയും.(1Kings8:54, Psalms95:6).മുട്ടുകുത്തല്‍ എളിമപ്പെടലിന്റെയും, കൈകള്‍ ഉയര്‍ത്തുന്നത് യാചനയുടെയും ബാഹ്യ പ്രകടനങ്ങള്‍ ആണ്.പഴയനിയമത്തില്‍ , ഇവയെല്ലാം സ്വീകാര്യവുമായിരുന്നു . എന്നാല്‍ നമ്മോടു വചനം പറയുന്നു' പ്രവര്‍ത്തികള്‍ കൂടാതെ പാപിയെ നീതികരിക്കുന്നവനില്‍ വിശ്വസിക്കുന്നവന്റെ വിശ്വാസം നീതിയായി പരിഗണിക്കപ്പെടുന്നു(Romans 4:5). പുതിയനിയമ വിശ്വാസത്തില്‍ ബാഹ്യ പ്രകടനങ്ങള്‍ക്ക് സ്ഥാനമില്ല . മുട്ടുകുത്തുന്നതും , കൈകള്‍ ഉയര്‍ത്തി  പ്രാര്‍ത്ഥിക്കുന്നതും തെറ്റാണ് എന്നല്ല, ഇങ്ങനെ പ്രാര്‍ത്ഥിച്ചാല്‍ മാത്രമേ പ്രാര്‍ത്ഥന പൂര്‍ണ്ണമാകു എന്ന തെറ്റായ ബോധ്യം നാം മാറ്റണം എന്നാണ് ഞാന്‍ അര്‍ത്ഥമാക്കിയത്. പ്രാര്‍ത്ഥന എന്നത് ചിട്ടയായ നിയമത്തിന്റെ സാക്ഷാത്കാരമല്ല മറിച്ച്, എളിമയുള്ള ഹൃദയം ദൈവവുമായി പങ്കുവെക്കുന്നതില്‍ കൂടിയുള്ള സന്തോഷത്തിന്റെ ഒരു അനുഭവമായിരിക്കണം .നിയമത്തിന് കീഴിലല്ല , കൃപക്ക് കീഴിലാണ് എന്ന വെളിപാട്(Romans 6:14).   

ഉയര്‍ന്ന സ്വരത്തില്‍ : ശക്ത്തമായ വാക്കുകള്‍ പറഞ്ഞ് ഉയര്‍ന്ന സ്വരത്തില്‍ പ്രാര്‍ത്ഥിച്ചാല്‍ മാത്രമേ പ്രാര്‍ത്ഥന ദൈവ സന്നിധിയില്‍ എത്തപ്പെടു എന്ന മിഥ്യാധാരണ നമ്മില്‍ പലര്‍ക്കും ഉണ്ട് .  നന്ദികളും, സ്തുതികളും നമ്മുടെ അധരങ്ങള്‍ സംസാരിക്കുന്നത്; ഹൃദയത്തിന്റെ നിറവില്‍ നിന്നു കൊണ്ടായിരിക്കണം(Luke 6:43). മനപാഠം ആക്കിയ ചില വാചകങ്ങള്‍ക്ക്  പ്രാര്‍ത്ഥന എന്ന പേര്‍ ചൊല്ലി അതിനെ വീണ്ടും വീണ്ടും ഉരിവിടുന്ന നാം വിജാതിയന് തുല്ല്യനാണ്.ഹൃദയത്തിന്റെ നിറവില്‍ നിന്നല്ലാതെ ആര്‍ക്കോ വേണ്ടി ചെയ്യുന്ന ഇത്തരം പ്രവര്‍ത്തിയില്‍ സംതൃപ്തികണ്ടെത്താന്‍  ശ്രമിക്കുന്ന നമ്മെ നോക്കി കാപട്യനാട്യക്കാര്‍ നടത്തുന്ന അതിഭാഷണം(Mathew 6:7)എന്ന് യേശു പറയുന്നു. 'വേണ്ടവിധം പ്രാര്‍ത്ഥിക്കേണ്ടത് എങ്ങനെ എന്ന് നമുക്കറിഞ്ഞുകൂടാ . എന്നാല്‍ , അവാച്യമായ നെടുവീര്‍പ്പുകളാല്‍ ആത്മാവ് നമുക്ക് വേണ്ടി മാധ്യസ്ഥം വഹിക്കുന്നു'(Romans 8:26).പ്രാര്‍ത്ഥന എന്നത് ആകുലതകള്‍  വെടിഞ്ഞ്  ദൈവസന്നിധിയില്‍ നമ്മെ സമര്‍പ്പിക്കുന്ന അവസ്ഥയാണ്‌(((Philippians 4:6). 

സ്വയം നീതികരിക്കല്‍ : നമുക്ക് ശരിയെന്നു തോന്നിയേക്കാവുന്ന നല്ല പ്രവര്‍ത്തികളെ നമ്മുടെ വിശ്വാസത്തില്‍ കൂടി ഉയര്‍ത്തി കാണിക്കുന്ന അവസ്ഥയായിരിക്കരുത് പ്രാര്‍ത്ഥന. ഫരിസേയന്റെയും  ചുങ്കക്കാരന്റെയും പ്രാര്‍ത്ഥനകളും അതിന്റെ അവസാനം അവര്‍ക്ക് ലഭിച്ച നീതികരണവും നമുക്കറിയാം.'തന്നെത്തന്നെ ഉയര്‍ത്തുന്നവന്‍ താഴ്ത്തപ്പെടു; തന്നെത്തന്നെ താഴ്ത്തുന്നവന്‍ ഉയര്‍ത്തപ്പെടുകയും ചെയും'(Luke18:9-14). ഈ വചന ഭാഗം നമുക്ക് ഓര്‍മയില്‍ ഉണ്ടായിരിക്കട്ടെ .

ദൈവത്തെ ശ്രവിക്കല്‍ : പ്രാര്‍ത്ഥന എന്നത് നാം ദൈവത്തോട് സംസാരിക്കുന്ന അവസ്ഥയല്ല; അതിനെക്കാളുപരി ദൈവം നമ്മോട് സംസാരിക്കുന്ന, ദൈവത്തെ ശ്രവിക്കുന്ന അവസ്ഥ കൂടി ആയിരിക്കണം.നമ്മില്‍ വസിക്കുന്ന ദൈവീക ശക്തി നമ്മില്‍ വ്യാപരിക്കുക കൂടി ചെയ്യണം(2 Corinthians 6:16). ഈ അനുഭവം നമ്മില്‍ എത്ര പേര്‍ക്ക് ഉണ്ടായിട്ടുണ്ട് ?.ദര്‍ശനങ്ങള്‍ ,വെളിപാടുകള്‍ , വചനങ്ങള്‍ , സാഹചര്യങ്ങള്‍  ഇങ്ങനെ ആത്മാവിന്റെ ഇടപെടലുകളെ തിരിച്ചറിയാന്‍ നമ്മുക്ക് കഴിയണം .അതോടൊപ്പം ആത്മാവിന്റെ ഉത്കൃഷ്ട ദാനങ്ങള്‍ക്കായി(1 Corinthians 12:31) നാം അഭിലഷിക്കണം. 

ഇങ്ങനെയുള്ള തിരിച്ചറിവുകളും തയ്യാറെടുപ്പുകളും ഭൗതീകജീവിത ചിന്തയില്‍ നിന്നും മാറി പൂര്‍ണ്ണമായും ദൈവത്തില്‍ ആയിരിക്കുവാന്‍ നമ്മെ സഹായിക്കുന്നു. ഇതിനെ വചനം പറയുന്നു' നീ  പ്രാര്‍ത്ഥിക്കുമ്പോള്‍ നിന്റെ മുറിയില്‍ കടന്ന്, കതകടച്ച്‌, രഹസ്യമായി, രഹസ്യങ്ങള്‍ അറിയുന്ന പിതാവിനോട് പങ്കുവെക്കണം'(Mathew 6:6-7).    

ആചാര അനുഷ്ടാനങ്ങള്‍ക്ക് വിരാമം ഇട്ടുക്കൊണ്ട്  യേശുവില്‍ കൂടി രക്ഷ അനുഭവിക്കാന്‍ യോഗ്യരായ നാം, ഇപ്പോഴും കാലഹാരണപ്പെട്ട ആ പഴയ നിയമ ചിന്താഗതിയുടെ, നിയമത്തിന്റെ  പുറകേയാണോ ?. മറ്റുള്ളവരെ സംതൃപ്തിപ്പെടുത്താന്‍ വേണ്ടി മാത്രം സമയവും ദിവസവും നോക്കിയാണോ നാം  പ്രാര്‍ത്ഥിക്കുന്നത് ? നാം  ദൈവത്തിന്റെ ആലയം ആകുന്നു എന്ന് നാം തിരിച്ചറിയണം(1 Corinthians 3:16)

'എപ്പോഴും സന്തോഷത്തോടെയിരിക്കുവിന്‍.........

ഇടവിടാതെ പ്രാര്‍ത്ഥിക്കുവിന്‍... 

എല്ലാക്കാര്യങ്ങളിലും നന്ദി പ്രകാശിപ്പിക്കിന്‍....'....   

                     (1 Thessalonians 5 : 1 6 - 1 8). 

ദൈവത്തിന് നന്ദി ..... 

ഞാന്‍ എന്തിനു പ്രാര്‍ത്ഥിക്കണം ?

'വരുവിന്‍, നമുക്ക് കുമ്പിട്ട്‌ ആരാധിക്കാം.നമ്മെ സൃഷ്‌ടിച്ച കര്‍ത്താവിന്റെ മുന്‍പില്‍ മുട്ടുകുത്താം.എന്തെന്നാല്‍ , അവിടുന്നാണ് നമ്മുടെ ദൈവം.നാം അവിടുന്ന് മേക്കുന്ന ജനവും'(Psalm 95:6-7).നമ്മെ കരുതലോടെ കാണുന്ന ദൈവത്തിനു മുന്‍പില്‍ നമ്മെത്തന്നെ സമര്‍പ്പിക്കാം......

ഒരു ക്രിസ്തുവിശ്വാസിക്ക്, അവന്റെ വിശ്വാസത്തില്‍ നിലനില്‍ക്കാന്‍ കഴിയുന്നത് ദൈവവുമായി പുലര്‍ത്തുന്ന നിരന്തരബന്ധം മുഖേനയാണ്.അക്കാരണത്താല്‍ പ്രാര്‍ത്ഥന എന്നത് ദൈവവുമായി ബന്ധം നിലനിര്‍ത്തുവാനുള്ള ഒരു മാര്‍ഗ്ഗമാകുമ്പോള്‍ ,പ്രാര്‍ത്ഥനയുടെ അടിസ്ഥാനം ദൈവത്തോടുള്ള അപേഷകളും,യാചനകളും,കൃതന്ജതസ്തോത്രങ്ങളും ആകുന്നു.(Philippians 4:6, Ephesian 6:18). 
നമ്മുടെ  ഓരോ  പ്രവര്‍ത്തികള്‍ക്കും വ്യക്തമായഒരു ഉദ്ദേശശുദ്ധി  ഉണ്ടായിരിക്കണം.ഇല്ലെങ്കില്‍ ശരിയായ ലക്ഷ്യത്തില്‍ എത്തിച്ചേരാന്‍ നമുക്ക് കഴിയാതെവരും.മരുന്ന് കഴിക്കുന്നത്‌ രോഗം മാറുവാന്‍ വേണ്ടിയാണ്.ഇതില്‍ പ്രവര്‍ത്തിയുടെ ഉദ്ദേശ്യശുദ്ധിയും ലക്ഷ്യവും വ്യക്തമാണ്. എങ്കില്‍ ,സുഹൃത്തെ ഒന്ന് ചോദിച്ചോട്ടെ....

എന്തിനാണ്  നമ്മള്‍ പ്രാര്‍ത്ഥിക്കുന്നത്‌?.

എന്തുകൊണ്ടാണ് നമ്മള്‍  പ്രാര്‍ഥിക്കേണ്ടിവരുന്നത്? 

പ്രാര്‍ത്ഥന എന്നത്  യാചന ആണെങ്കില്‍ , എന്താണ് നാം യാചിക്കേണ്ടത് ?

അടിസ്ഥാനപരമായി  വിശ്വാസത്തില്‍ തെറ്റിയവന്,ദൈവവുമായി ഒരു ബന്ധവും നിലനിര്‍ത്തുവാന്‍ കഴിയുകയില്ല. ദൈവവചനാടിസ്ഥാന ഉറപ്പില്ലാത്തതിനാലാണ് വിശ്വാസം പരീക്ഷിക്കപ്പെടുമ്പോള്‍ നാം പതറിപ്പോകുന്നത്തും തെറ്റായ പ്രബോധനങ്ങളുടെ പിറകെപ്പോകുന്നതും. അതിനാല്‍ അന്യൂന്യമായ വിശ്വാസസംഹിതയില്‍ ,(ദൈവവചനത്തില്‍ ) യഥാര്‍ത്ഥ ബോധ്യം ജനിപ്പിക്കാന്‍ കഴിയേണ്ടത്തിന്  താന്‍ പഠിച്ചറിഞ്ഞ സത്യവചനത്തെ മുറുകെപ്പിടിക്കണം(Titus 1:9).  

'ജീവിച്ചിരിക്കുന്നവന്‍ എന്നാണ് നിന്നെക്കുറിച്ച്  പറയുന്നത്.പക്ഷെ,നീ മൃതനാണ്'(Revelation 3:1).

സുഖമായി ജീവനോടെ നമ്മുടെ കണ്‍മുന്‍പില്‍ ഇരിക്കുന്ന ഒരു വ്യക്തി മരിച്ചവനെന്നു വചനം വിളിക്കുന്നു.ഇവിടെ ഏതു മരണത്തെക്കുറിച്ചാണ് പ്രതിപാതിച്ചിരിക്കുന്നത്?. താങ്കള്‍ക്ക് എന്ത് തോന്നുന്നു?.

ദൈവം പ്രപഞ്ചത്തെ സൃഷ്ടിക്കുന്നു. അഞ്ചു ദിവസത്തെ പ്രപഞ്ച സൃഷ്ടിക്കര്‍മ്മത്തിനു ശേഷം ആറാം ദിവസം സകല സൃഷ്ടികളുടെയും മേല്‍ സര്‍വ്വ ആധ്യപത്യം നല്‍കിക്കൊണ്ട് ദൈവം മനുഷ്യനെ തന്റെ ഛായയിലും  സാദൃശ്യത്തിലും   സൃഷ്ടിക്കുന്നു.(Genesis 1:26). ജന്മം കൊണ്ട് മാതാപിതാക്കന്മാരുടെ രൂപസാദൃശ്യങ്ങള്‍ മക്കള്‍ക്ക്‌ ലഭിക്കുന്നതുപോലെ, ദൈവം മനുഷ്യന് നല്‍കിയത് തന്റെ ഭുതീകമായ ശരീരരൂപസാദൃശ്യമാണോ....?.

• 'സമ്പൂര്‍ണ്ണജ്ഞാനത്താല്‍ സൃഷ്ടാവിന്റെ പ്രതിഛായക്കനുസൃതമായി നവീകരിക്കപ്പെട്ട പുതിയ മനുഷ്യനെ ധരിക്കുവിന്‍'(Colossians 3:10).
• 'യഥാര്‍ത്ഥമായ വിശുദ്ധിയിലും  നീതിയിലും ദൈവത്തിന്റെ  സാദൃശ്യത്തില്‍ സൃഷ്ടിക്കപ്പെട്ട പുതിയ മനുഷ്യനെ ധരിക്കുവിന്‍'(Ephesians 4:24).

ദൈവത്തെക്കുറിച്ചുള്ള സമ്പൂര്‍ണ്ണജ്ഞാനത്തിലും, അവന്റെ യഥാര്‍ത്ഥമായ വിശുദ്ധിയിലും നീതിയിലുമാണ് ആദ്യ മാതാപിതാക്കന്മാരായ ആദവും ഹവ്വയും(Genesis 3:20)  സൃഷ്ടിക്കപ്പെട്ടത്. ഇതിന്റെ ആകത്തുകയായ  വെളിപ്പെടുത്തലായിട്ടാണ്, 'ഏദന്‍ തോട്ടത്തിലെ എല്ലാ വൃക്ഷങ്ങളുടെയും ഫലം ഭക്ഷിച്ചുകൊള്ളുക.എന്നാല്‍ നന്മതിന്മകളെക്കുറിച്ചുള്ള അറിവിന്റെ വൃക്ഷത്തിലെ ഫലം ഭക്ഷിക്കരുത്.തിന്നുന്ന ദിവസം നീ മരിക്കും' (Genesis 2:16-17) എന്ന് ദൈവം കല്പിക്കാന്‍ ഇടയാക്കിയത്.

എവിടെയാണോ ഈ അടിസ്ഥാന ബന്ധത്തിന് കോട്ടം സംഭവിച്ചത്,അവിടെ മനുഷ്യന്റെ തകര്‍ച്ച ആരംഭിക്കുന്നു. സൃഷ്ടികര്‍മ്മം മുതല്‍ ദൈവീകസംരക്ഷണത്തില്‍വസിച്ചിരുന്ന അവര്‍ക്ക്, ഞാന്‍.. ...എന്റെ...എനിക്ക് എന്ന ചിന്തകള്‍ ഉണ്ടായിരുന്നില്ല.എന്നാല്‍ എപ്പോഴാണോ സാത്തനില്‍ ആകര്‍ഷ്ടരായി, പാപത്തിന്റെ കനി ഭക്ഷിച്ച ആ നിമിഷം മുതല്‍ അവര്‍ ദൈവത്തില്‍ നിന്നും ഓടി ഒളിക്കുവാന്‍ തുടങ്ങി.

'നിങ്ങള്‍ മരിക്കും'എന്നതാണ് ദൈവകല്പനയെങ്കില്‍ ഫലം കഴിച്ച അവര്‍ മരിച്ചില്ല എന്ന് വ്യക്തമല്ലെ?.
ദൈവം പറഞ്ഞ മരണം ഭുതീകമല്ല മറിച്ചു ആത്മീയമാണ്.

പാപം ചെയ്തതിനാല്‍ ദൈവത്തിന്റെ ഛായയും സാദൃശ്യവും നഷ്ടപ്പെട്ടതിനോടൊപ്പം അവര്‍ക്ക് (ദൈവീകജീവന്‍))))) നിത്യജീവനും നഷ്ടമായി.അങ്ങനെ ആത്മീയമരണം സംഭവിച്ചു. നിത്യജീവന്‍ നഷ്ട്ടപ്പെട്ട അവരുടെ ആത്മീയ നേത്രങ്ങള്‍ അടയപ്പെടുകയും ജഡികനേത്രങ്ങളാല്‍ അവര്‍ നഗ്നനരാണെന്ന് കാണുകയും ചെയ്തു.അതുവരെ ദൈവത്തോടൊപ്പം ആയിരുന്ന അവര്‍ , പാപം മൂലം ഇപ്പോള്‍ അവരില്‍ ആധ്യപത്യം പുലര്‍ത്തുന്ന സാത്താന്റെ ചിന്തയാല്‍ നഗ്നനരാണെന്ന് കാണുകയും നഗ്നനത മറക്കാന്‍ അത്തി ഇലകള്‍ കൂട്ടിത്തുന്നി അരക്കച്ചയുണ്ടാക്കുകയും ചെയ്തു(Genesis 3:7).അങ്ങനെ പാപത്തിന്റെ  കുടുക്കില്‍ അകപ്പെടുകയും ചെയ്തു.

ഇങ്ങനെ ഒരു മനുഷ്യന്റെ അനുസരണക്കേടിനാല്‍ നാം എല്ലാവരും പാപികളാകപ്പെടുകയും മരണം ലോകത്തില്‍ പ്രവേശിക്കുകയും ചെയ്തു(Romans 5:12).അങ്ങനെ ജീവിതക്കാലം മുഴുവന്‍ മനുഷ്യന്‍  മരണഭയത്താല്‍ പാപത്തിന്റെ അടിമത്വത്തില്‍ ആകപ്പെട്ടു(Hebrew 2:15). ഇക്കാരണത്താല്‍ ജന്മ പാപത്താലാണ് ഓരോ മനുഷ്യനും ഈ ലോകത്തില്‍ പിറവികൊള്ളുന്നത് (Psalms 51:5). 

പിന്നീട്, ഭുമിയില്‍ മനുഷ്യന്റെ ദുഷ്ടത വര്‍ദ്ധിക്കുകയും അതില്‍ സൃഷ്ടാവായ ദൈവം പരിതപിക്കുകയും ചെയ്തു(Genesis 6:5-6). ദൈവത്തിന് മനുഷ്യനോടുള്ള സ്നേഹം നിര്‍വ്വചിക്കാന്‍ കഴിയാത്തവിധം അഗാധമാണ്(Jeremiah 31:20).അതിനാല്‍ പാപത്തില്‍ നിന്നും മനുഷ്യനെ രക്ഷിക്കുന്നതിനുവേണ്ടി, നഷ്ടപ്പെട്ട നിത്യജീവനിലേക്ക്‌ അവനെ തിരികെ കൊണ്ടുചെന്ന് എത്തിക്കുന്നതിനുവേണ്ടി കാലാകാലങ്ങളില്‍ ദൈവം പ്രവാചകന്മാര്‍ മുഖേന നമ്മോടു സംസാരിച്ചിരുന്നു(Hebrew 1:1). പാപത്തിന്റെ പിടിയില്‍നിന്നും രക്ഷനേടുവാന്‍ നല്‍കിയ പ്രമാണത്തില്‍ , പാപം അവസരം കണ്ടെത്തി അതുവഴി എല്ലാ മോഹങ്ങളും വീണ്ടും മനുഷ്യനില്‍ നിറച്ചു (Romans 7:8).അങ്ങനെ ജീവനുവേണ്ടിയുള്ള പ്രമാണം കൂടുതല്‍ തകര്‍ച്ചക്ക് കാരണമായി.

ഒരുവന്‍പോലും നശിച്ചുപോകാതെ,എല്ലാവരും രക്ഷ പ്രാപിക്കണമെന്ന ദൈവത്തിന്റെ ആഗ്രഹം(1 Timothy 2:4). ഈ ലോകത്തെ വീണ്ടെടുക്കുവാന്‍.., നമ്മുടെ രക്ഷയുടെ അവസാന വാക്കായി ദൈവം തന്റെ ഏകജാതനെ ലോകത്തിലേക്കയച്ചു. (Hebrew 1:2).  ക്രിസ്തു കാല്‍വരി കുരിശില്‍ അര്‍പ്പിച്ച ഏകബലി സമര്‍പ്പണം വഴി സകല മനുഷ്യ വര്‍ഗ്ഗത്തിന്റെയും പാപങ്ങളുടെ ശിക്ഷ അവന്‍ വഹിക്കുകയും, അവനെ മരിച്ചവരില്‍ നിന്നും ദൈവം ഉയര്‍പ്പിച്ചതുവഴി നമുക്ക് പാപത്തിന്റെ ബന്ധനത്തില്‍ നിന്നും മോചനം ലഭിക്കുകയും ചെയ്തു (Hebrew 10:14).

ചിന്തകള്‍ ഒറ്റനോട്ടത്തില്‍ ....

ആദ്യ മാതാപിതാക്കന്മാരുടെ പാപം നിമിത്തം നിത്യജീവന്‍ നഷ്ടപ്പെട്ട നമുക്ക് പാപത്തിന്റെ ഫലമായ ആത്മീയ മരണത്തില്‍ നിന്നും രക്ഷപ്രാപിക്കുവാന്‍, ദൈവത്തിന്റെ ഏകജാതനായ യേശുക്രിസ്തു കാല്‍വരി കുരിശില്‍ ജീവനര്‍പ്പിക്കുകയും,മൂന്നാം ദിവസം ദൈവം അവനെ ഉയര്‍പ്പിക്കുകയും  ചെയ്തതു വഴി( Acts 17:31)  നിത്യജീവനിലേക്കുള്ള വാതായനം തുറക്കപ്പെട്ടിരിക്കുന്നു.

•  .ദൈവം മനുഷ്യന് നല്‍കിയ നിത്യജീവന്‍ പാപം മൂലം നഷ്ടപ്പെട്ടതിനാല്‍ ...
• പാപത്തോടുകൂടി നാം പിറക്കുന്നതിനാല്‍ ...
• യേശുവില്‍കൂടി നിത്യജീവന്റെ വേണ്ടെടുപ്പ് ഉറപ്പാക്കിയതിനാല്‍ ...

നാം പ്രാര്‍ത്ഥിക്കേണ്ടത് നിത്യജീവന് വേണ്ടിയാണ്.  വീണ്ടും ജനനത്താല്‍  ഈ ലോകത്ത് വച്ച് തന്നെ അനുഭവിക്കുവാന്‍ ആരംഭിക്കുന്ന നിത്യജീവന് വേണ്ടിയായിരിക്കണം.  

നിത്യജീവന്റെ ആദ്യഭാഗമായ വീണ്ടുംജനനത്താല്‍(John 3:3), അത്മരക്ഷയെ പ്രാപിക്കുന്ന നമുക്ക് ദൈവപുത്രനിലുള്ള വിശ്വാസം വഴി ആത്മീയഅന്ധത മാറിപോവുകയും (John 9:3-5) അങ്ങനെ ദൈവവചനത്തിലൂടെ, നഷ്ടപ്പെട്ടുപോയ ദൈവത്തിന്റെ ഛായയും സാദൃശ്യവും കൈവരുകയും ചെയുന്നു (Ephesians 4:24,Colossians 3:10).     
   
പിന്നീടുള്ള ഈ ലോകജീവിതത്തില്‍ ,പരീക്ഷണങ്ങളെയും ബുദ്ധിമുട്ടുകളെയും വചനത്തിന്റെ ശക്തിയാല്‍ സഹിച്ച്, ആത്മാവിന്റെ വീണ്ടെടുപ്പ് പ്രാപിച്ച നാം, ശരീരങ്ങളുടെ  വീണ്ടെടുപ്പാകുന്ന പൂര്‍ണ്ണപുത്രാലബ്ദി  പ്രതീക്ഷിച്ചുകൊണ്ട് (Romans 8:23, 1John 3:2) ലഭിച്ച വിളിക്ക് അനുസൃതമായി ജീവിക്കണം. അതിനാല്‍ രക്ഷയുടെ അനുഭവത്തില്‍ കൂടി  കടന്നുപോയ ഒരു വ്യക്തി, അനുദിന ജീവിതത്തിലെ സഹനങ്ങളെ നേരിടുവാന്‍ സഹായകനായ പരിശുദ്ധാത്മ ശക്തിക്ക് വേണ്ടി (John 14:16)  ആഗ്രഹിക്കണം.

ഉണരുക....നിന്നില്‍ ആസന്നമരണമായി അവശേഷിക്കുന്നതിനെ ഉത്തേജിപ്പിക്കുക . അതുകൊണ്ട് നാം  കേട്ടതും സ്വീകരിച്ചതും എന്തെന്ന് അനുസ്മരിച്ച്  അത് കാത്തുസൂഷിക്കുകയും അനുതപിക്കുകയും ചെയുക (Revelation 2:3).

പുനരുത്ഥാനവും ജീവനുമായ യേശുവില്‍ വിശ്വസിക്കുന്നവന്‍ ഒരിക്കലും മരിക്കുകയില്ല(John 11:26) കാരണം അവനില്‍ നിത്യജീവനുണ്ട് (John 6:47) എന്ന രക്ഷാവചനത്തെ നമുക്ക് മുറുകെ പിടിക്കാം.

കൃപയും സത്യവും നിറഞ്ഞ പുത്രന്‍ വഴി, അനശ്വരമായ ബീജത്തില്‍ നിന്ന്......സജീവവും സനതനവുമായ ദൈവവചനത്തില്‍ നിന്ന്....നമുക്ക് വീണ്ടും ജനിക്കാം(Peter 1:23-25).അങ്ങനെ നിത്യജീവന്‍ പ്രാപിക്കാന്‍ നമുക്ക് ഒരുങ്ങാം.....

ദൈവത്തിന് നന്ദി.....

'എമ്മാനുവേല്‍ ' എന്ന് വിളിക്കപ്പെട്ടിട്ടുണ്ടോ ?

'ഈ ലോകത്തിന്റെ 

ദേവന്‍ അവിശ്വാസികളായ അവരുടെ മനസിനെ അന്ധമാക്കിയിരിക്കുന്നു. തന്നിമിത്തം ദൈവത്തിന്റെ പ്രതിരൂപമായ ക്രിസ്തുവിന്റെ മഹത്വമേറിയ സുവിശേഷത്തിന്റെ പ്രകാശം അവര്‍ക്ക് ദൃശ്യമല്ല'(2 Corinthians 4:4). അന്ധകാരത്തില്‍ നിന്നും പ്രകാശത്തിലേക്ക് നയിക്കുന്ന ജീവന്റെ വചനം ഓരോ നിമിഷവും നമ്മെ വഴിനടത്തട്ടെ...

ജീവിതത്തില്‍ അവിചാരിതമായി കണ്ടുമുട്ടിയ ഒരു വ്യക്തി.ക്രിസ്തുവിശ്വാസിയാണെന്ന് അറിഞ്ഞപ്പോള്‍ കൂടുതല്‍ ആവേശത്തോടെ ദൈവചനത്തെക്കുറിചുള്ള സംസാരമായി.അദ്ദേഹം നിലനില്‍ക്കുന്ന കൂട്ടായ്മയുടെ അടിസ്ഥാന ബോധ്യത്തെക്കുറിച്ചുള്ള സംസാരത്തിനിടയില്‍ ശരം പോലെ വന്നു തറച്ച ഒരു ചോദ്യം.തിരക്കുപിടിച്ച ജീവിതത്തിനിടയില്‍  ആശ്വാസം തേടി, മനുഷ്യന്‍ നെട്ടോട്ടമോടുന്ന സാഹചര്യത്തില്‍  ഈ ചിന്തകള്‍ പങ്കുവക്കുന്നത് അനുവാര്യമാണെന്നു തോന്നി....

ഗര്‍ഭണിയായ മറിയത്തിനെ രഹസ്യമായി ഉപേഷിക്കേണ്ടതിനെക്കുറിച്ച്  അകുലതപ്പെട്ടിരിക്കുന്ന ജോസഫ്‌....... കര്‍ത്താവിന്റെ ദൂതന്‍ പ്രത്യഷപ്പെട്ട് അരുളിച്ചെയുന്നതിന്റെ അവസാനഭാഗം.'ദൈവം നമ്മോടുകൂടെ എന്നര്‍ത്ഥമുള്ള എമ്മാനുവേല്‍ എന്ന് അവന്‍ വിളിക്കപ്പെടും'.( Mathew 1:23). 

ചോദ്യങ്ങള്‍ ഇതാണ്....

• യേശു എമ്മാനുവേല്‍ എന്ന് വിളിക്കപ്പെട്ടിട്ടുണ്ടോ?.
• ഉണ്ടെങ്കില്‍ എവിടെ? എപ്പോള്‍ ?.
• ഇല്ലെങ്കില്‍ എന്തുകൊണ്ട് ആ വചനം നിറവേറാതായിപ്പോയി?

യേശു എമ്മാനുവേല്‍ എന്ന്  വിളിക്കപ്പെടാത്തതിനാല്‍ നാം പ്രാര്‍ത്ഥിക്കേണ്ടതും കാത്തിരിക്കേണ്ടതും അവന്റെ രണ്ടാമത്തെ വരവില്‍ രാജാക്കന്മാരുടെ രാജാവായി, അവന്‍ എമ്മാനുവേല്‍ എന്ന് അവന്‍ വിളിക്കപ്പെടുന്ന ആ സമയത്തിനു വേണ്ടിയായിരിക്കണം. രക്ഷകനായ  എമ്മാനുവേലിനു വേണ്ടിയായിരിക്കണം.അന്ന് ഒരെഒരു ദേവാലയവും മറ്റു സിനഗോഗുകളും മാത്രമേ  നിലനില്‍ക്കു എന്നതിനാല്‍ ,  വിശ്വാസികള്‍ എല്ലാവരും സിനഗോഗില്‍ ഇമ്മാനുവേലിനു വേണ്ടി ഒന്നുചേരണം. ചിന്തകള്‍ക്ക് കാരണമായ വിചിത്രമെന്ന് തോന്നിപ്പിക്കുന്ന സാഹചര്യത്തെ അവിടെ വിട്ടുകൊണ്ട് നമുക്ക് ദൈവവചനത്തിലേക്ക് വരാം. 

വിശുദ്ധ ലിഖിതങ്ങളോ ദൈവത്തിന്റെ ശക്തിയോ മനസിലാക്കത്തതിനാല്‍ നിങ്ങള്‍ക്ക് തെറ്റ് പറ്റിയിരിക്കുന്നു'(Mathew 22:29). ഒരു ക്രിസ്തുവിശ്വാസിയുടെ വിശ്വാസത്തിന്റെ അടിസ്ഥാനം ദൈവവചനമായതിനാലും, വചനത്തില്‍ ഒന്നുപോലും മാറ്റമില്ലാത്തതിനാല്ലും ഉത്തരം വചനത്തില്‍ നിന്നുതന്നെ കിട്ടണം.

വിശുദ്ധഗ്രന്ഥത്തില്‍ ആകെ മൂന്ന് ഭാഗങ്ങളില്‍ മാത്രമേ എമ്മാനുവേല്‍ എന്ന പദം ഉപയോഗിച്ചിട്ടുള്ളു. യേശുവിന്റെ ജനനത്തെക്കുറിച്ചുള്ള പ്രവചനമായി പഴയനിയമത്തിലെ ഏശയ്യ ഗ്രന്ഥത്തില്ലും(Isaiah 7:14,8:8). ദുതന്‍ ജോസഫിനോട് വെളിപ്പെടുത്തുന്ന ഭാഗത്ത്‌ പ്രവചനത്തിന്റെ പൂര്‍ത്തീകരണമായി (Mathew  1:23) പുതിയനിയമത്തിലും രേഖപ്പെടുത്തിയിരിക്കുന്നു. 

• യേശു എമ്മാനുവേല്‍ എന്ന പേരില്‍ വിളിക്കപ്പെട്ടതായി വചനത്തില്‍ ഒരിടത്തും രേഖപ്പെടുത്തിയിട്ടില്ല.
• യേശു, മിശിഹാ, കര്‍ത്താവ്, ക്രിസ്തു, പുത്രന്‍ എന്നിങ്ങനെ വിളിക്കപ്പെട്ടതായി വചനത്തില്‍ കാണുവാന്‍ കഴിയും.
• ദൈവത്താല്‍ അഭിഷേകം ചെയ്യപ്പെട്ടവന്‍ (Anointed one) എന്നര്‍ത്ഥമുള്ള മിശിഹാ എന്ന ഹീബ്രു  (Hebrew) പദത്തിന്റെ ഗ്രീക്ക് (Greek) വാക്കാണ്‌ ക്രിസ്തു (Christ). കര്‍ത്താവ് എന്നത് മലയാള പദവും.  വ്യക്തമായിപറഞ്ഞാല്‍ ,ക്രിസ്തു എന്നതിന്റെയും മിശിഹാ എന്നതിന്റെയും അര്‍ത്ഥം  ഒന്നുതന്നെ - ദൈവത്താല്‍ അഭിഷേകം ചെയ്യപ്പെട്ടവന്‍.

 പരിശുദ്ധത്മവിനാല്‍ ഗര്‍ഭണിയായ മറിയത്തോട് ദൂതന്‍ ഇങ്ങനെ പറഞ്ഞു 'നീ ഗര്‍ഭം ധരിച്ചു ഒരു പുത്രനെ പ്രസവിക്കും.അവന് യേശു എന്ന് പേരിടണം.അവന്‍ വലിയവനായിരിക്കും. അത്യുന്നതന്റെ പുത്രന്‍ എന്ന് വിളിക്കപ്പെടും.(Luke1:31) ജനിക്കാന്‍ പോകുന്ന ശിശു പരിശുദ്ധന്‍,ദൈവപുത്രന്‍ എന്ന് വിളിക്കപ്പെടും(Luke 1:35).തന്റെ ജനത്തെ പാപങ്ങളില്‍ നിന്നും മോചിപ്പിക്കും എന്നര്‍ത്ഥമുള്ള യേശു എന്ന്, ജനിക്കുന്ന ശിശു  വിളിക്കപ്പെടണം(Mathew 1:21). ജോസഫിനും മറിയത്തിനും ദൂതന്‍ നല്‍കുന്ന  ഈ  വെളിപ്പെടുത്തലില്‍ ,ശിശു ദൈവത്തിന്റെ പൂര്‍ണ്ണ മഹത്വം നിറഞ്ഞവനാണ് എന്നതിന്റെ  ആത്മീയ അടയാളമാണ്  ശിശു പരിശുദ്ധന്‍, ദൈവപുത്രന്‍((( എന്ന് വിളിക്കപ്പെടുമെന്നത്. ചാര്‍ച്ചക്കാരി വൃദ്ധയായ എലിസബത്ത് ഒരു പുത്രനെ ഗര്‍ഭം ധരിച്ചിരിക്കുന്നു എന്നുള്ളത് ദൈവീകമായ വെളിപ്പെടുത്തലിന്റെ  ഭൗവുതീകമായ അടയാളവും (Luke1:36).

യേശു യോഹന്നാനില്‍ നിന്നും സ്നാനം സ്വീകരിക്കുന്ന സമയം.സ്വര്‍ഗ്ഗം തുറന്നു ഇങ്ങനെ പറഞ്ഞു ' ഇവന്‍ എന്റെ പ്രിയപുത്രന്‍. ഇവനില്‍ ഞാന്‍ പ്രസാധിച്ചിരിക്കുന്നു'(Mathew 3:17). 

പരിശുദ്ധി എന്നത് ദൈവീക മഹത്വത്തെ മാത്രം സൂചിപ്പിക്കുന്ന ഒന്നാണ്. യേശുവിലുള്ള ഈ ദൈവീക മഹത്വം തിരിച്ചറിഞ്ഞ പത്രോസ് ഇങ്ങനെ പറയുന്നു.നിത്യജീവന്റെ വചനങ്ങള്‍ നിന്റെ പക്കലുണ്ട്.നീയാണ് ദൈവത്തിന്റെ പരിശുദ്ധന്‍ (John 6:69). ഇങ്ങനെ ദൂതന്‍ പറഞ്ഞ ആത്മീയ അടയാളങ്ങള്‍ ശരിവെക്കപ്പെടുന്നു. 

എമ്മാനുവേല്‍ എന്ന്‍ വിളിക്കപ്പെടും എന്നത് ദൂതന്‍ ജോസഫിന് കൊടുത്ത അടയാളമല്ല മറിച്ചു ഏശ്ശായ്യാ പ്രവാചകന്‍ മുഖേന ദൈവം അരുളിചെയ്തതാണ്.( Isaiah 7:14, Mathew  1:23). 

പൂര്‍വ്വകാലങ്ങളില്‍ ദൈവം പ്രവാചകന്മാര്‍ മുഖേന സംസാരിച്ചിരുന്നു.എന്നാല്‍ ഈ അവസാന നാളുകളില്‍ തന്റെ പുത്രന്‍ വഴി അവിടുന്ന് നമ്മോടു സംസാരിച്ചിരിക്കുന്നു.(Hebrews1:1). ഇങ്ങനെ,ദൈവം നമ്മോടു കാണിച്ച ആ വലിയ സ്നേഹം, വചനം മാംസമായി നമ്മുടെ ഇടയില്‍ വസിച്ച,കൃപയും സത്യവും നിറഞ്ഞ യേശുവാണ് എമ്മാനുവേല്‍. മനുഷ്യന്റെ സാദ്രശ്യത്തില്‍ ആയിത്തീര്‍ന്ന (Philippians 2:7) യേശുവില്‍ കുടികൊണ്ടിരുന്ന ദൈവത്തിന്റെ മഹത്വമാണ് എമ്മാനുവേല്‍ . 

എമ്മാനുവേല്‍ എന്നത് അക്ഷരാര്‍ത്ഥതത്തില്‍ യേശുവിനെ വിളിക്കേണ്ട ഒരു പേരായിട്ടല്ല,മറിച്ച് യേശു ദൈവപുത്രനാണെന്ന വിശ്വാസത്തില്‍ക്കൂടി അനുഭവിച്ചു അറിയേണ്ട ഒരു ദൈവീകമഹത്വമാണ്.

എമ്മാനുവേല്‍ :

• പ്രവചനങ്ങളുടെ പൂര്‍ത്തീകരണം‍...(Mathew 5:17). 
• പിതാവായ ദൈവത്തിന്റെ ഏകാജതന്റെതുമായ മഹത്വം.(John 1:14 )
• നമ്മോടുകൂടെ വസിക്കുന്ന ദൈവത്തിന്റെ മഹത്വം.(2 Corinthians 6:16).
• ദൈവത്തിന്റെ പൂര്‍ണ്ണത മുഴുവന്‍ മൂര്‍ത്തിഭവിച്ചിരിക്കുന്ന ദൈവത്തിന്റെ ഏകപുത്രന്‍. (Colossians 2:9).
• അദ്രശ്യനായ ദൈവത്തിന്റെ പ്രതിരൂപവും എല്ലാ സൃഷ്ടികള്‍ക്കും ആദ്യജാതനുമയവാന്‍. (Colossians 1:15).
• ദൈവീക രൂപത്തിലായിരുന്നു എങ്കിലും തന്നെത്തന്നെ ശൂന്യനാക്കിയവന്‍. (Philippians 2:6).
• നാം ദൈവത്തിന്റെ നീതിയാകേണ്ടതിന്,പാപം അറിയാത്തവനെങ്കിലും  ദൈവം നമുക്കുവേണ്ടി പപമാക്കിമാറ്റിയവന്‍ (2 Corinthians 5:21).
• പഴയനിയമത്തില്‍ നിഴലായി മാത്രം നല്‍കപ്പെട്ടതും, വരാനിരുന്ന നന്മയുടെ പൂര്‍ണ്ണരൂപവുമായ രക്ഷകനായ യേശു.(Hebrews 10:1).
• ജീവന്‍ നല്കാന്‍ കഴിവുള്ള ദൈവത്തിന്റെ ഏകപുത്രന്‍. (1John 5:12). 

യേശുവിനെ മറിയത്തിന്റെ മകനും യാക്കോബ്, ജോസഫ്‌,ശിമയോന്‍,യൂദാസ് എന്നിവരുടെ സഹോദരനുമായി(Mathew13:25) സ്വീകരിക്കാന്‍ യഹൂദന്  മടിയുണ്ടായിരുന്നില്ല. എന്നാല്‍ അവനെ ദൈവമായി അംഗീകരിക്കാന്‍ അവര്‍ക്ക് കഴിഞ്ഞിരുന്നില്ല. 'നീ ദൈവപുത്രനാണോ' ? (Mathew 28:63) എന്ന ന്യായാധിപസംഘത്തിന്റെ ചോദ്യം ഈ ഭയത്തെ ശരിവയ്ക്കുന്നു.അതിനാല്‍ത്തന്നെ അപ്പസ്തോലപ്രവര്‍ത്തനങ്ങളില്‍ കൂടുതല്‍ ഉന്നല്‍ കൊടുക്കുന്നതും  'യേശു തന്നെ ക്രിസ്തു' എന്ന പ്രബോധനത്തിനു തന്നെയാണ്.( Acts 17:3,10:36-38).

 ഞാന്‍ അരെന്നാണ് നിങ്ങള്‍ പറയുന്നത്? യേശുവിന്റെ ഈ ചോദ്യത്തിനു  'നീ ക്രിസ്തുവാണ്‌'(Mark 8:29) എന്ന പത്രോസിന്റെ മറുപടി വളരെ ശ്രദ്ധേയമാണ്.

രക്ഷകനായ മിശിഹാ വരുമെന്ന് പ്രതീഷിച്ചിരിക്കുന്ന ജനം, ഇനിയും ഞങ്ങള്‍ മറ്റൊരുവനെ കാത്തിരിക്കണോ?? (Luke 7:19) സ്നാപകയോഹന്നാനില്‍ നിന്നും ഉയരുന്ന ഈ ചോദ്യത്തിനു യേശു തന്നെ മറുപടി പറയുന്നുണ്ട്.'എന്നില്‍ ഇടര്‍ച്ച ഉണ്ടാക്കാത്തവന്‍ ഭാഗ്യവാന്‍.'. വചനം പറയുന്നു 'ഞാന്‍ ഞാന്‍ തന്നെ എന്നു വിശ്വാസിക്കുന്നില്ലെങ്കില്‍ നിങ്ങള്‍ നിങ്ങളുടെ പാപത്തില്‍ മരിക്കും'(John 8:24). എന്താണ് ഉണ്ടാകാവുന്ന ഇടര്‍ച്ച എന്ന് ഇതിനകം തന്നെ താങ്കള്‍ക്ക് മനസിലായിട്ടുണ്ടാകാം എന്നു കരുതട്ടെ... 

നമുക്ക് പാപത്തില്‍ നിന്നും രക്ഷ നല്‍കിയ, നമ്മോടു കൂടെ വസിക്കുന്ന പുത്രനെ (യേശു/മിശിഹാ/ക്രിസ്തു) സ്വന്തമാക്കാതെ ഇനിയും മറ്റൊരു രക്ഷകന് വേണ്ടി, ഇമ്മാനുവേല്‍ എന്ന് വിളിക്കപ്പെടുന്ന ഒരുവന് വേണ്ടി  കാത്തിരിക്കുകയല്ല, മറിച്ച് ജീവന്‍ നല്‍കി രക്ഷിക്കാന്‍ കഴിവുള്ള ദൈവം തന്നെയായ,യേശുവിനെ പ്രാപിക്കുകയാണ് വേണ്ടത്. നമ്മുടെ രക്ഷക്കുവേണ്ടി നല്‍കപ്പെട്ട   ഒരെഒരു നാമം.

തെറ്റായ പ്രബോധനത്തില്‍പ്പെട്ട് അന്ധമാക്കപ്പെട്ട നേത്രങ്ങളിലേക്ക് ദൈവവചനത്തിന്റെ  ശക്തി പ്രകാശം ചൊരിയട്ടെ. തെറ്റിന്റെ വഞ്ചനയില്‍പ്പെട്ട് മനുഷ്യര്‍ കുശലപൂര്‍വ്വം  നല്‍കുന്ന വക്രതയാര്‍ന്ന ഉപദേശങ്ങളുടെ കാറ്റില്‍പ്പെട്ട് ആടിയുലയുകയും തൂത്തെറിയപ്പെടുകയും ചെയ്യപ്പെടുന്നവരകാതെ ദൈവവചനതിലുള്ള അറിവിനാലും വിശ്വാസത്താലും യേശുക്രിസ്തുവില്‍ കൂടുതല്‍ ശക്തിപ്രാപിക്കാന്‍ പരിശുദ്ധത്മാവ് നമ്മെ നയിക്കട്ടെ.

ദൈവത്തിനു നന്ദി....
 

കര്‍ത്താവ് മനസ്സാകുന്നെങ്കില്‍ .....

'വചനം കേള്‍ക്കുക മാത്രം ചെയുന്ന ആത്മവഞ്ചകരാകാതെ  അത് അനുവര്‍ത്തിക്കുന്നവരും   കൂടി ആയിരിക്കുവിന്‍ (James 1:23). കണ്ണാടിയില്‍  മുഖം നോക്കി കടന്നുപോകുന്നവന്‍  താന്‍ എങ്ങനെയിരിക്കുന്നുവെന്ന്  അല്‍പനേരത്തിനുശേഷം മറന്നുപോകുന്നു. കേള്‍ക്കുകയും  അറിയുകയും ചെയുന്ന ദൈവവചനം മറക്കാനല്ല  മറിച്ച് അതിനെ സൂഷ്മമായി ഗ്രഹിച്ചു, ഉത്തമമ്മായ വിശ്വാസത്തില്‍ നിലനില്‍ക്കുവാനും നമുക്ക് കഴിയണം. 

ജീവിതത്തിലെ  ചില  സാഹചര്യങ്ങളില്‍,  പ്രതേകിച്ച്  പുതുവത്സരത്തില്‍ നാം പല തീരുമാനങ്ങളും എടുക്കാറുണ്ട് . കൈവരിക്കാനഗ്രഹിക്കുന്ന നേട്ടങ്ങളുടെ ഒരു വലിയ പട്ടിക തന്നെ നമുക്ക് മുന്നിലുണ്ടാകും .

നമ്മുടെ കഴിവിലും സാമര്‍ത്ഥ്യത്തിലും വിശ്വസിച്ചുകൊണ്ടു മുന്നോട്ടുപോകുന്ന ഇത്തരം സാഹചര്യത്തില്‍ എത്രമാത്രം വിജയം കൈവരിക്കാന്‍ നമുക്ക് കഴിയാറുണ്ട് ?.

എടുക്കുന്ന തീരുമാനത്തില്‍ എത്രമാത്രം ഉറച്ചുനില്‍ക്കുവാന്‍ നമുക്ക് കഴിഞ്ഞിട്ടുണ്ട്?. 

ഒരു ക്രിസ്തുവിശ്വാസിയുടെ ജീവിതത്തില്‍ ഇത്തരം തീരുമാനങ്ങള്‍  എങ്ങനെയായിരിക്കണം എന്ന് ചിന്തിച്ചിട്ടുണ്ടോ?. 

വിശ്വാസജീവിതത്തിന്റെ വഴിവിളക്കായ ദൈവവചനം വെളിപ്പെടുത്തുന്നത് എന്താണെന്നു ഗ്രഹിച്ചിട്ടുണ്ടോ?. 

വീണ്ടും ജനനത്തിന്റെ അനുഭവത്തിലൂടെ യേശുവിന്റെ രക്ഷയെ സാധ്യമാക്കുന്ന ഒരു വ്യക്തി, ദൈവത്തെ 'പിതാവേ' എന്ന് വിളിക്കാന്‍ അര്‍ഹനാകുന്നത്തിനോടൊപ്പം, ദൈവരാജ്യത്തിലുള്ള ജീവിതത്തിന് (നിത്യജീവന്) യോഗ്യനാവുകയും ചെയുന്നു. പാപത്തില്‍ നിന്നുള്ള നീതികരണത്താല്‍ ഈ രക്ഷ ലഭ്യമായത് നിയമത്തിന്റെ അനുഷ്ടാനത്തിലൂടെയല്ല  മറിച്ച് യേശുക്രിസ്തുവിലുള്ള വിശ്വാസം നിമിത്തമാണ്(Galathians 2:15). ഇക്കാരണത്താല്‍ -ഇനിമേല്‍ ഞാനല്ല ക്രിസ്തുവാണ്‌ എന്നില്‍ ജീവിക്കുന്നത്- (Galathians 2:20) ഇതായിരിക്കണം,ഒരു പുതിയനിയമവിശ്വാസിയുടെ(ക്രിസ്ത്യാനിയുടെ) ജീവിതത്തിന്റെ അടിസ്ഥാനബോധ്യവും വെളിപെടുത്തലും. തന്നെ സ്നേഹിക്കുകയും,തന്റെ പാപത്തില്‍ നിന്നുള്ള രക്ഷക്കുവേണ്ടി സ്വയം ബലിയായിത്തീരുകയും ചെയ്ത ദൈവപുത്രനില്‍ വിശ്വാസിച്ചുക്കൊണ്ടായിരിക്കണം  അവന്റെ പിന്നീടുള്ള ജിവിതം. അങ്ങനെ വിശുദ്ധവും വിശുദ്ധമല്ലാത്തതും തമ്മിലുള്ള വ്യത്യാസം (Ezakiel‍ 44:23)  വേര്‍തിരിച്ചറിയുകയും ചെയ്യണം.

നാളെമുതല്‍  ഞാന്‍ എന്റെ ജീവിതത്തില്‍ ഇങ്ങനെ ചെയ്യും...ഇങ്ങനെ ആയിരിക്കും...ഈ തീരുമാനങ്ങളെല്ലാം ഞാനെന്ന ചിന്തയില്‍ നിന്നും ഉണ്ടാകുന്ന  ആത്മധൈര്യത്തിന്റെ പ്രതിഫലനങ്ങളാണ് . അതുകൊണ്ട് തന്നെയാന്ന് പലപ്പോഴും  അതിന്റെ പൂര്‍ണ്ണത കൈവരിക്കാന്‍  നമുക്ക് കഴിയാതെ പോകുന്നത്. നമ്മെ ഭരിക്കുന്ന അഹങ്കാരചിന്തയില്‍ നിന്നും ഉടലെടുക്കുന്ന ആത്മപ്രശംസ എന്നാണ് ഇതിനെ വചനം വെളിപ്പെടുത്തുന്നത്. 'നീ അഹങ്കരിക്കേണ്ട... ഒരു ദിവസം കൊണ്ട് എന്തു സംഭവിക്കുമെന്നു നീ അറിയുന്നില്ല' (വിലാപങ്ങള്‍ 27:1). നമുക്ക്   ഒരു  സ്വയംവിലയിരുത്തലിന് ഈ   വചനം കാരണമാകട്ടെ....  

ഇന്നോ നാളെയോ ഇന്ന പട്ടണത്തില്‍ പോയി,അവിടെ ഒരു വര്‍ഷം താമസിച്ച്,വ്യാപാരം ചെയ്തു ലാഭമുണ്ടാക്കമെന്നു പ്രഖ്യാപിക്കുന്ന നിങ്ങളോട് ഒന്നു പറയട്ടെ.നാളത്തെ നിങ്ങളുടെ ജീവിതം എങ്ങനെയുള്ളതായിരിക്കും എന്ന് നിങ്ങള്‍ക്കറിഞ്ഞു കൂടാ.അല്പനേരത്തേക്ക് പ്രത്യക്ഷപ്പെടുകയും അതിനുശേഷം അപ്രത്യക്ഷമാവുകയും ചെയുന്ന മൂടല്‍മഞ്ഞാണുനിങ്ങള്‍ . നിങ്ങള്‍ ഇങ്ങനെയാണ് പറയേണ്ടത് : കര്‍ത്താവ് മനസ്സാകുന്നെങ്കില്‍ , ഞങ്ങള്‍  ജീവിക്കുകയും യഥായുക്തം പ്രവര്‍ത്തിക്കുകയും ചെയ്യും. നിങ്ങളോ വ്യര്‍ത്ഥഭാഷണത്താല്‍ ആത്മപ്രശംസ ചെയുന്നു. ഇപ്രകാരമുള്ള ആത്മപ്രശംസ തിന്മയാണ്. (James 4:13-16)                    

ഇത് ഒരു വിശ്വാസപ്രഖ്യാപനമാണ്.എന്റെ കഴിവിനാലല്ല,ദൈവത്തിന്റെ കരുണയാല്‍ എനിക്ക് എല്ലാം സാധ്യമാണ് എന്ന തിരിച്ചറിവും, ഞാന്‍ ദൈവത്തിനു സ്വീകാര്യനാണെന്നും ജീവിക്കുന്ന ദൈവം എന്നില്‍ വസിക്കുകയും ചെയുന്നു,എന്ന വെളിപ്പെടുത്തല്‍ ....

2013ന്റെ ആരംഭത്തില്‍ പുതിയ ആഗ്രഹങ്ങളും തീരുമാനങ്ങളുമായി മുന്നോട്ടുപോകുന്ന സുഹൃത്തെ ഒരു നിമിഷം.....

• ഇതുവരെയുള്ള ജീവിതത്തില്‍ നിന്നും രൂപംകൊണ്ട വഞ്ചനയും കാപട്യവും നിറഞ്ഞ കലുഷിതനായ ആ പഴയമനുഷ്യനെ ദൂരേയെറിയുവിന്‍(.(Ephesians 4:22) ആത്മാവിന്റെ വിശ്വാസ ചൈതന്യത്താല്‍ നവീകരിക്കപ്പെട്ട ഒരു പുതിയ മനുഷ്യനാകാന്‍   നമുക്ക് കഴിയട്ടെ.....

• ഞാന്‍ എന്തായിരിക്കുന്നുവോ അത് ദൈവകൃപയാലാണ് (1Corinthains 15:10) എന്ന അറിവ്  നമുക്ക് പ്രകാശമാകട്ടെ.....

• എന്നെ ശക്തനാക്കുന്നവനിലൂടെ എല്ലാം ചെയ്യാന്‍ എനിക്കു കഴിയും(Philippains4:13) എന്ന ബോധ്യം  നമുക്ക് ശക്തിയകട്ടെ......

ദൈവത്തിന്റെ കരുണയെപ്രാപിച്ച് അങ്ങനെ ജീവിതത്തിന്റെ മനോഹാര്യതയും സമാധാനവും അനുഭവിക്കുവാന്‍ നമുക്ക് കഴിയട്ടെ....  

....ദൈവത്തിന് നന്ദി

പിതാക്കന്മാരുടെ പാപത്തിന്‍റെ ശിക്ഷ മക്കളിലേക്കോ.?

അങ്ങയുടെ വചനങ്ങള്‍ 
കണ്ടെത്തിയപ്പോള്‍ 
ഞാന്‍ അവ ഭക്ഷിച്ചു. അവ എനിക്ക് ആനന്ദാമൃതമായി. എന്‍റെ ഹൃദയത്തിനു സന്തോഷവും (Jeremiah 15:16). ഹൃദയത്തിന് ജീവനും സന്തോഷവുമേകുന്ന ദൈവവചനം ഭക്ഷിക്കാന്‍  ദൈവം നമ്മെ യോഗ്യരാക്കട്ടെ.

ജന്മനാ കുരുടനായ ഒരുവനെക്കണ്ട ശിഷ്യന്മാര്‍ യേശുവിനോട് ചോദിച്ചു 'റബ്ബി- ഇവന്‍ അന്ധനായി ജനിച്ചത്‌ ഇവന്‍റെയോ  ഇവന്‍റെ മാതാപിതാക്കളുടെയോ പാപം നിമിത്തമാണോ? ദൈവത്തിന്‍റെ പ്രവര്‍ത്തി ഇവനില്‍ പ്രകടമാകേണ്ടാതിനാണ്.' എന്ന് യേശു ഉത്തരം പറഞ്ഞു.(John‍ 9:12). 

ശിഷ്യന്മാരുടെ ഈ ചോദ്യത്തിനു കാരണമെന്തെന്നു   ചിന്തിച്ചാല്‍, ദൈവം- പിതാക്കന്മാരുടെ തെറ്റുകള്‍ക്ക് മക്കളെ  ശിക്ഷിക്കുകയും പിതാക്കന്മാരുടെ  സല്‍പ്രവര്‍ത്തികള്‍ക്ക് മക്കളെ അനുഗ്രഹിക്കുകയും ചെയും എന്ന  വിശ്വാസം ഇന്നത്തേതു പോലെത്തന്നെ  ആ കാലഘട്ടത്തിലും പുലര്‍ത്തിപോന്നിരുന്നു. 'പിതാക്കന്മാര്‍ പച്ചമുന്തിരിങ്ങാ തിന്നു,മക്കളുടെ പല്ല് പുളിച്ചു'(Jeremiah 31:29). യഹൂദന്മാര്‍ക്കിടയില്‍ നിലനിന്നിരുന്ന ഈ പഴമൊഴിയാണ്(Ezekiel18:2)  ഈ ചിന്താഗതിക്ക് കാരണമായത്. ദൈവത്തിന്‍റെ വാഗ്ദാനമല്ലാത്ത   ഈ പഴമൊഴി വിശ്വാസത്തില്ലേക്ക് അവരുടെയും, യേശുവില്‍ കൂടി ദൈവത്തിന്‍റെ  തിരഞ്ഞെടുക്കപ്പെട്ട ജനമായ നമ്മുടെയും  വിശ്വാസം  ഒരു പരിധി വരെ ചെന്നെത്തുവാന്‍ എന്താണ്  കാരണം?

'എന്നെ വെറുക്കുന്ന പിതാക്കന്മാരുടെ കുറ്റങ്ങള്‍ക്ക് അവരുടെ മൂന്നും നാലും തലമുറവരെ ഞാന്‍ ശിക്ഷിക്കും.എന്നാല്‍ എന്നെ സ്നേഹിച്ചു എന്‍റെ കല്പനകള്‍ പാലിക്കുകയും ചെയുന്നവരുടെ ആയിരമായിരം തലമുറകള്‍ വരെ ഞാന്‍ കരുണ കാണിക്കും'(Exodus 20:56). പഴയനിയമഗ്രന്ഥത്തില്‍, ദൈവം മോശക്ക് പത്തു കല്പനകള്‍ നല്‍കുന്ന സമയത്ത് അരുളിചെയുന്ന ഈ ദൈവ വചനമാണ് മേല്‍പറഞ്ഞ വിശ്വാസത്തിനു കാരണമായത്.

ദൈവം അരുളിചെയ്ത വചനം അക്ഷരാര്‍ത്ഥത്തില്‍ ശരിയാണ്.പക്ഷെ, എന്‍റെ മാതാപിതാക്കന്മാര്‍  ദൈവചന അതിഷ്ടിത ജീവിതം നയിച്ചാല്‍ ഞാനും എന്‍റെ ആയിരം തലമുറകള്‍ വരെയും ശിക്ഷിക്കപ്പെടാതെ  അനുഗ്രഹിക്കപെടും എങ്കില്‍പിന്നെ എന്തിന്നാണ്  ജീവനിലേക്കു നയിക്കുന്ന ഇടുങ്ങിയ വാതിലിലൂടെ  സ്വര്‍ഗ്ഗത്തില്ലേക്ക് പ്രവേശിക്കാന്‍ (Mathew7:14)  ഈ ലോകത്തില്‍ ഞാന്‍ കഷ്ടതകള്‍ സഹിക്കുന്നത്? (John15:19).  ഈ ലോകത്തിന്‍റെ നൈമീഷിക സുഘങ്ങളില്‍ മുഴുകി ജീവിച്ചാലും എന്‍റെ മാതാപിതാക്കന്മാരുടെ സല്‍പ്രവര്‍ത്തികള്‍  മൂലം എനിക്ക്   അനുഗ്രഹത്തിനു  തടസമില്ലെങ്കില്‍ പിന്നെ എന്തിനാണ്  നിത്യജീവനു വേണ്ടി, യേശുവിന്‍റെ  നാമത്തില്‍ ഉപേക്ഷിക്കേണ്ടി വരുന്നത്??(Luke18:29-30) മറിച്ച്,എന്‍റെ മാതാപിതാക്കന്മാരുടെ തെറ്റുകള്‍ക്ക് ഞാന്‍ ശിക്ഷിക്കപ്പെടുമെങ്കില്‍ സഹനത്തിന്‍റെ  സ്വന്തം കുരിശുമെടുത്ത് (Mathew10:38) യേശുവിന്‍റെ പുറകെ പോയാലും എന്ത് ഫലം??.ചിന്തകള്‍ താങ്കള്‍ക്ക്   വ്യക്തമായി എന്നു വിശ്വസിക്കട്ടെ. 
ദൈവം മോശയോട് അരുള്‍ച്ചെയുന്ന വചനഭാഗം ഒന്ന് ശ്രദ്ധയോടെ പരിശോധിച്ചാല്‍, 'ആകാശത്തിലും ഭൂമിയിലുമുള്ള ഒരു വസ്തുവിന്‍റെയും പ്രതിമയോ, സ്വരൂപമോ നിര്‍മിക്കുകയോ  അവയ്ക്ക് മുന്‍പില്‍  പ്രണമിക്കുകയോ അരുത് കാരണം ഞാനാണ്‌ നിന്‍റെ ദൈവമായ കര്‍ത്താവ്' (Exodus 20:3-6). എന്ന ആദ്യ വചനഭാഗത്തിനു ശേഷം അടുത്ത ഭാഗം ദൈവമായ കര്‍ത്താവിനെ കുറിച്ച് വിവരിക്കുനതാണ്.'എന്നെ വെറുക്കുന്നവനെ ശിക്ഷിക്കാനും,സ്നേഹിക്കുകയും കല്പനകള്‍ പാലിക്കുകയും ചെയുന്നവനോട്   കരുണ കാണിക്കാനും കഴിവുള്ളവന്‍..'. കര്‍ത്താവ്, കാരുണ്യവാനും കൃപാനിധിയുമായ ദൈവം,കോപിക്കുന്നതില്‍വിമുഖന്‍,സ്നേഹത്തിലും വിശ്വസ്തതയിലും അത്യുദാരന്‍. (Exodus34:6-7). ഈ രേഖപ്പെടുതലുകള്‍ എല്ലാം ദൈവമായകര്‍ത്താവിനെയും, അവന്‍റെ ദൈവീക മഹത്വത്തെയും വെളിപ്പെടുത്തുന്നവയാണ്.
പിതാക്കന്മാരുടെ തെറ്റുകള്‍ക്ക് മക്കളെ തലമുറകളോളം ശിക്ഷിക്കും എന്നല്ല  മറിച്ചു   ശിക്ഷിക്കാന്‍ കഴിവുള്ളവന്‍ എന്നര്‍ത്ഥം. നമുക്ക് ലഭിച്ച പാരമ്പര്യ വിശ്വാസത്തില്‍  കടന്നുകൂടിയ ഒരു തെറ്റ്. ഇത് ഒരു പഴമൊഴി മാത്രമാണെന്നും, ഇനി  ഒരിക്കലും ആരും ഇത് ആവര്‍ത്തിക്കരുത് എന്നാരംഭിക്കുന്ന ദൈവമായ കര്‍ത്താവിന്‍റെ അരുളപ്പാടുകള്‍ എസക്കിയേല്‍ പ്രവചനഗ്രന്ഥം 18ല്‍  വ്യക്തമായി രേഖപ്പെടുത്തിയിരിക്കുന്നു.വിവിധ തരത്തില്ലുള്ള ജീവിത സാഹചര്യങ്ങളെ വ്യക്തമായി വിവരിച്ചിരിക്കുന്ന  എസക്കിയേല്‍ 18 (Ezekiel18 ) താങ്കള്‍ വായിക്കുമല്ലോ.

പാപം ചെയുന്നവന്‍ മാത്രമായിരിക്കും മരിക്കുക-ശിക്ഷിക്കപ്പെടുക. പുത്രന്‍ പിതാവിന്‍റെ തിന്മക്കുവേണ്ടിയോ, പിതാവ് പുത്രന്‍റെ തിന്മക്കുവേണ്ടിയോ ശിക്ഷിക്കപെടുകയില്ല. നീതിമാന്‍ തന്‍റെ നീതിയുടെ ഫലവും, ദുഷ്ടന്‍ തന്‍റെ ദുഷ്ടതയുടെ ഫലവും അനുഭവിക്കും. എന്നാല്‍ ദുഷ്ടന്‍ താന്‍ ചെയ്ത പാപത്തില്‍ നിന്നും പിന്‍തിരിഞ്ഞു  നീതിയും ന്യായവും അനുസരിച്ച് പ്രവര്‍ത്തിച്ചാല്‍ അവന്‍ ജീവനില്ലേക്ക്  കടക്കുമെന്ന് വചനം വെളിപ്പെടുത്തുന്നു.മറിച്ചു നീതിമാന്‍ നീതിയുടെ പാതയില്‍ നിന്ന് വ്യതിചലിച്ചു തിന്മയുടെ മാര്‍ഗ്ഗത്തില്‍ നടന്നാല്‍ അവന്‍ ചെയ്തിട്ടുള്ള നീതിപ്പൂര്‍വകമായ പ്രവര്‍ത്തികള്‍ ഒന്നും പരിഗണിക്കപ്പെടുകയില്ല((Ezekiel18:20-21,24).അവരവരുടെ പ്രവര്‍ത്തികള്‍ക്കനുസൃതമായി  ഓരോരുത്തരും വിധിക്കപ്പെടും.(Mathew16:27).

നമ്മെ അനുതപത്തില്ലെക്കു നയിക്കുക എന്നതാണ് ദൈവത്തിന്‍റെ കരുണയുടെ ലക്‌ഷ്യം. എല്ലാവരും സത്യം അറിയണമെന്നും അങ്ങനെ രക്ഷിക്കപ്പെടണമെന്നുമാണ്  ദൈവം ആഗ്രഹിക്കുന്നത് (1Thimothy 2:4). ആരും നശിച്ചു പോകാതിരിക്കാന്‍ അന്ധകാരത്തില്‍ പ്രകാശമായി (John‍ 8:12) നഷ്ട്ടപെട്ട ആടിനെ തേടുന്ന ഇടയനെപ്പോലെ  അവന്‍ നമ്മെ തേടുന്നു. എന്നാല്‍ ആ ഇടയന്‍റെ വിളികേള്‍ക്കാതെ നമ്മള്‍ ഇപ്പോഴും പാരമ്പര്യ പഴമൊഴി  വിശ്വാസത്തിലാണോ??

ദൈവത്തിന്‍റെ മുന്‍പില്‍ ഓരോരുത്തരും ഓരോ വ്യക്തികളാണ്.മാതാപിതാ-സഹോദരബന്ധത്തിനോ, കുടുംബ പാരബര്യ മഹിമക്കോ,സഭ സമൂഹത്തിനോ അതില്‍ പ്രാധാന്യം ഇല്ല. ഓരോരുത്തരും രക്ഷകനില്‍ വിശ്വസിച്ചു,തനെത്തനെ എളിമപ്പെടുത്തി അവന്‍റെ മുന്‍പില്‍ സമര്‍പ്പിക്കാന്‍ തയ്യാറായാല്‍, നമ്മുടെ പാപങ്ങള്‍ എത്ര കടുംചെമപ്പാണെങ്കിലും  അവ മഞ്ഞുപോലെ വെണ്മയുള്ളതാക്കിതീര്‍ക്കും.(Isaiah1:19) 

പൂര്‍ണ്ണഹൃദയത്തോടെ അന്വേഷിക്കുന്നവന്‍ എന്നെ കണ്ടെത്തും(Jeremiah 29:13).ജാഗരൂകതയോടെ യേശുവിനെ അന്വേഷിച്ചു കണ്ടെത്തി,അങ്ങനെ അവന്‍റെ  രക്ഷ അനുഭവിക്കാനും  അവന്‍റെ പ്രവര്‍ത്തി നമ്മില്‍ പ്രകടമാകാനും ഇടയാകട്ടെ.....

                               ദൈവത്തിനു നന്ദി.....

ദൈവവചനവും കെട്ടുകഥകളും

'നടുന്നവനോ നനക്കുന്നവനോ  അല്ല, വളര്‍ത്തുന്നവനായ ദൈവത്തിനാണു  പ്രാധാന്യം' (1Corinthians3:7) ജീവിതത്തിന്‍റെ ഓരോ അനുഭവത്തില്‍ക്കൂടി  കടന്നുപോകുമ്പോള്‍ തളര്‍ന്നു പോകാതെ, നമ്മെ   വിശ്വാസസ്ഥിരത ഉള്ളവരാക്കിത്തീര്‍ക്കാന്‍ വേണ്ടി  (James 1:3)  അനുതാപത്തില്ലേക്ക്  നയിക്കാന്‍, കരുണയോടെ കാത്തിരിക്കുന്ന ദൈവം. ആ രക്ഷകനായ ദൈവത്തിലേക്കു  ഒരു നിമിഷം..... 

ചില വ്യക്തികളുടെ പ്രസംഗങ്ങള്‍, സംസാര രീതികള്‍  ഇവ നമ്മെ ഒരു പ്രത്യേക അനുഭവത്തിലേക്കു, ഒരു ആകര്‍ഷണവലയത്തിലേക്ക്  കൊണ്ട്  ചെന്ന് എത്തിക്കാറുണ്ട്.  ലോകത്തിന്‍റെ  ഭൌതീകമായ ചിന്തകളെ  മാറ്റിനിറുത്തിക്കൊണ്ട്   ക്രിസ്തീയവിശ്വാസത്തിലേക്കു കടന്നു ചിന്തിച്ചാല്‍ .......

കേള്‍വിക്കാരെ കോരിത്തരിപ്പിക്കുന്ന  ദൈവവചന  പ്രസംഗങ്ങളും  സംസാരശൈലികളും  ദൈവചന അടിസ്ഥാനത്തില്‍ എന്തുമാത്രം സ്വീകാര്യമാണ്  എന്ന് ചിന്തിച്ചു നോക്കിയിട്ടുണ്ടോ ?? 
ദൈവചനശ്രശ്രൂഷക്ക് സാഹിത്യഭാഷയുടെ പ്രസരിപ്പിന്‍റെയും, കെട്ടുകഥകളുടെയും, മറ്റും  ആവശ്യകതയുണ്ടോ ??   
ഇന്നു  നമുക്ക് ചുറ്റും കാണാന്‍ കഴിയുന്ന, നമ്മെ കോരിത്തരിപ്പിക്കുന്ന പല ദൈവവചന പ്രഘോണങ്ങളുടെ  അവസ്ഥയാണ്‌ ഈ ചിന്തകള്‍ക്കു  കാരണമായത്...

ദൈവവചന പ്രഘോഷണം മാനുഷീക വിജ്ഞാനം കൊണ്ട് മറ്റുള്ളവരെ വശീകരിക്കുന്നതു  ആയിരിക്കരുത്  മറിച്ച്  പരിശുധാത്മവിന്‍റെയും  ദൈവീക ശക്തിയുടെയും വെളിപ്പെടുത്തല്‍  ആയിരിക്കണം.(1 Corinthians 2:4).

ലോകപ്രശസ്തമായ ചില സാഹിത്യകൃതികളുടെ പ്രത്യേകിച്ച് നമുക്ക് സുപരിചിതമല്ലാത്ത  മറ്റു ഭാഷകളിലെ, പ്രസ്തമായ ഭാഗങ്ങള്‍ അടര്‍ത്തിയെടുത്ത് പ്രബോധനത്തിനു ജ്ഞാനത്തിന്‍റെ  ഭാവം നല്‍കാന്‍ ചിലരെങ്കിലും ശ്രമിക്കാറുണ്ട്. ഇത് ദൈവവചന അടിസ്ഥാനത്തിലുള്ള  വിശ്വാസത്തില്‍ നിന്നോ  ആത്മാവിന്‍റെ  ഇടപെടലില്‍ നിന്നോ രൂപംകൊള്ളുന്നവയല്ല. മറിച്ച്,ദൈവത്തിന്‍റെ  സത്യവചനം  സ്വീകരിക്കാന്‍ മടികാണിക്കുന്ന, നാശത്തിന്‍റെ  വഴിയെ നടക്കുന്നവരില്‍ നിന്നും ( 1 Corinthians1:18) പ്രശംസയും, പ്രസക്തിയും ലഭിക്കുന്നതിനുള്ള പിശാചിന്‍റെ തന്ത്രമാണ് എന്ന് നാം തിരിച്ചറിയണം.

വചനശ്രശ്രൂഷ  ഭൌതീകജ്ഞാനത്തിന്‍റെ  പ്രസരണം ആയിരിക്കരുത് ( 1Corinthians 2:13) മറിച്ചു  ആത്മാവിന്‍റെ പ്രേരണയാല്‍, ആത്മാവ്   പഠിപ്പിക്കുന്നതിനനുസരിച്ചു,  ആത്മാവിന്‍റെ ദാനങ്ങള്‍ പ്രാപിച്ചവര്‍ക്കുവേണ്ടി  ആത്മീയ സത്യങ്ങള്‍   വ്യാഖ്യാനിക്കുകയാണു വേണ്ടത്.  ഇങ്ങനെയുള്ള  വചനശ്രശ്രൂഷകള്‍ക്ക് ആളുകളും, കൈയ്യടിയും കുറയും. കാരണം ലൗകീക  മനുഷ്യനു   ദൈവത്തിന്‍റെ  ആത്മാവിന്‍റെ ദാനങ്ങള്‍  ഭോഷത്തമാകയാല്‍ അവനു അത് സ്വീകരിക്കാന്‍   സാധിക്കുകയില്ല. അതിനെ വിവേചിച്ചറിയാന്‍ അവനു  കഴിയുകയില്ല. എന്നാല്‍ ഒരു  അത്മീയമനുഷ്യന്‍ ആത്മീയ സത്യങ്ങളെ വിവേചിച്ചറിയുന്നു.

ഈ  ലോകത്തിന്‍റെ മാനുഷിക വിജ്ഞാനം നിറഞ്ഞ പ്രബോധനവും, പ്രഘോഷണങ്ങളും കേള്‍വിക്കാരില്‍  വിജ്ഞാനത്തിന്‍റെ    അത്ഭുതം  നിറക്കുമെങ്കില്‍, ഇതിന്‍റെ  മറ്റൊരു തലം ആശ്ചര്യവും ആകര്‍ഷണവും ആണ്. ശ്രശ്രൂഷകളുടെ പ്രാഗത്ഭ്യത്തെക്കുറി ച്ചും, തന്നില്‍കൂടി നടന്ന അത്ഭുതപ്രവര്‍ത്തികളെക്കുറിച്ചുള്ള  വെളിപ്പെടുത്തലുകള്‍ കേള്‍വിക്കാരനില്‍,  ശ്രശ്രൂഷകനിലേക്കോ   ഒരു പ്രതേക കൂട്ടായ്മയിലേക്കോ  ഒരു ആകര്‍ഷണം തീര്‍ക്കുന്നു.  ഇത് ഒരു വിശ്വാസ  സ്വീകരണത്തിന്‍റെയോ, വീണ്ടും ജനനത്തിന്‍റെയോ  അടിസ്ഥാനത്തില്‍ ആകണമെന്നില്ല  മറിച്ചു  ഭൌതീക ആവശ്യങ്ങളുടെ നിറവേറ്റതിനായി ഓടിനടക്കുന്ന മനുഷ്യന്‍റെ ഒരു  പരീഷണം മാത്രമായേക്കാം. ഇങ്ങനെയുള്ളവരെ  കള്ളപ്രബോധകര്‍ എന്ന്  വചനം വിളിക്കുന്നു.പത്രോസില്‍ക്കൂടി  സംഭവിക്കുന്ന ആദ്യ അത്ഭുതം: ( Acts‍ 3:1-19)  യേശുവിന്‍റെ നാമത്തില്‍ എഴുന്നേറ്റു നടക്കുക എന്ന് പറഞ്ഞു പത്രോസ്, മുടന്തനായ യാചകനെ എഴുന്നേല്‍പ്പിക്കുന്നു. ബലം പ്രാപിച്ച കാലുകളാല്‍ അവന്‍ തുള്ളിച്ചാടി നടക്കുന്നത് കണ്ട  മറ്റുള്ള ജനങ്ങളില്‍ ചിലര്‍, പത്രോസിനെയും  യോഹന്നാനെയും  വിട്ടുമാറാതെ നില്‍ക്കുന്നത് കണ്ടപ്പോള്‍ പത്രോസ് കൊടുക്കുന്ന വെളിപ്പെടുത്തലുകള്‍  വളരെ പ്രാധാന്യം അര്‍ഹിക്കുന്നു.(Acts‍ 3:12,16) ഞങ്ങള്‍ സ്വന്തം  ശക്തിയോ സുക്രുതമോകൊണ്ട്  ഇവനു നടക്കാന്‍  കഴിവുക്കൊടുത്തു എന്ന മട്ടില്‍ ഞങ്ങളെ സൂഷിച്ചുനോക്കുന്നതെന്തിന്? യേശുവിന്‍റെ നമാത്തില്ലുള്ള വിശ്വാസമാണ് നിങ്ങളുടെ മുമ്പില്‍വച്ചു  ഈ മനുഷ്യനെ സുഖപ്പെടുത്തിയത്.

ഒരു യഥാര്‍ത്ഥശ്രശ്രൂഷകന്‍  എപ്പോഴും മറ്റുള്ളവരെ തിരുകുരിശില്ലേക്ക്  വഴിനടക്കാന്‍ സഹായിക്കുന്നവനാകണം. നമ്മുടെ പാപങ്ങള്‍ക്ക്‌ പരിഹാരമായി കുരിശില്‍ ബലിയായി തീര്‍ന്ന യേശുവില്‍ കൂടിയുള്ള രക്ഷ പ്രാപിക്കാന്‍  ഉതകുന്ന പാശ്ചാതാപം ഉണ്ടാക്കിയെടുക്കാന്‍ സഹായിക്കുന്നവനാകണം.(Acts‍ 3:19) അതല്ലാതെ ദൈവം ദാനമായി നല്‍കിയ ആത്മീയവരങ്ങളെ  തങ്ങളുടെ ഭൌതീക നേട്ടത്തിനായി ഉപയോഗിക്കുന്നവര്‍ ആയിരിക്കരുത് ( Jude1:4)എന്ന് വചനം പറയുന്നു.  

ഇനിവരുന്ന മറ്റൊരു ഭാഗം കെട്ടുകഥകളാണ്. സാധാരണക്കാരില്ലേക്ക് ഇറങ്ങിചെന്ന്  സംസാരിക്കുന്ന ഒരു രീതി. കേള്‍വിക്കാരില്‍ വളരെയേറെ പ്രീതി ഉളവാക്കാന്‍ കഴിയുന്ന ഈ ചിന്താഗതിക്ക് എന്താകുഴപ്പം? മാനുഷീക കാഴ്ചപ്പാടില്‍ ഇത് തികച്ചും ശരിതന്നെ. പക്ഷേ , ലൗകീകവും അര്‍ത്ഥശൂന്യവുമായ ഇത്തരം കെട്ടുകഥകള്‍ തീര്‍ത്തും  അവഗണിക്കമെന്നും (1Thimothy 4:7) ഇവ കേള്‍വിക്കാരില്‍ ആവേശം ജനിപ്പിക്കുന്നതിനാല്‍  തങ്ങളുടെ അഭിരുചിക്കു ചേര്‍ന്ന പ്രബോധകരെ മാത്രം വിളിച്ചുകൂട്ടി അങ്ങനെ സത്യത്തിനു നേരെ ചെവി അടക്കുകയും കെട്ടുകഥകളില്ലേക്ക്  ശ്രദ്ധത്തിരിക്കുകയും ചെയ്യുമെന്ന് (2Thimothy 4:3) വചനം പറയുന്നു. ഇത്തരക്കാരെ  ദൈവവചനത്തില്‍  മായം ചേര്‍ത്തവര്‍ എന്നാണ് വചനം വിളിച്ചിരിക്കുന്നത് ( 2 Corinthians  2:17)  അതെങ്ങനെ ശരിയാകും എന്നല്ലേ...... ഉത്തരം ഇതാണ് സുഹൃത്തേ....'എന്‍റെ ചിന്തകള്‍ നിങ്ങളുടെത്  പോലെയല്ല,നിങ്ങളുടെ വഴികള്‍ എന്‍റെതുപ്പോലെയല്ല, ആകാശം ഭൂമിയേക്കാള്‍ ഉയര്‍ന്നിരിക്കുന്നതുപോലെ  എന്‍റെ വഴികളും ചിന്തകളും നിങ്ങളുടെതിനെക്കാള്‍ ഉന്നതമാണത്രെ'.(Isaiah 55:8-9)  മാനുഷീക ചിന്തയില്‍ നിന്നും വചനം കുത്തിനിറക്കാന്‍, വിശ്വാസം   അടിച്ചേല്‍പ്പിക്കാന്‍  നാം  ശ്രമിക്കരുത്. മറിച്ചു  പ്രവര്‍ത്തിക്കേണ്ടവനായ ദൈവത്തിനു വിട്ടുകൊടുക്കണം. എത്ര മേനി വിളയണം എന്നത് അവന്‍റെ ഇഷ്ട്ടമാണ്.  ദൈവവചനം ആരു പറഞ്ഞാലും അതില്‍ പരിശുദ്ധആത്മാവിന്‍റെ ഇടപെടല്‍ ഉണ്ടായാല്‍ മാത്രമേ  ശ്രശ്രൂഷ ദൈവ മഹത്വത്തിനു കാരണമാകുകയുള്ളൂ. 

വചനത്തില്‍ രേഖപെടുതാത്തത്‌ ആയ കാര്യങ്ങളെ വളച്ചൊടിച്ചു വചനത്തോടു  ചേര്‍ക്കാന്‍ ശ്രമിക്കുന്നത്  ദൈവത്തോട് ചെയുന്ന  വലിയൊരു തെറ്റാണ്. അപ്പസ്തോലന്മാരുടെ  പ്രസംഗം കേട്ട ബെറോയായിലെ ജനങ്ങള്‍ അവര്‍ പറയുന്നത് സത്യമാണോ എന്നറിയാന്‍ വിശുദ്ധ ഗ്രന്ഥം  അനുദിനം പരിശോധിച്ചുകൊണ്ടിരുന്നു. (Acts 17:11).  ഒരു പുതിയനിയമ വിശ്വാസിയും കേള്‍ക്കുന്ന ദൈവവചനം  ഗ്രന്ഥത്തില്‍, (ബൈബിളില്‍)  ഉണ്ടോ എന്നുകൂടി അറിയുക വേണം.

ചിന്തകളെ ഇങ്ങനെ ഒന്നുചേര്‍ക്കാം: വചനശ്രശ്രൂഷകള്‍,...

• ഭൌതീകവിജ്ഞാനത്തിന്‍റെ  പ്രസരിപ്പല്ല  മറിച്ചു ആത്മാവിന്‍റെ വെളിപ്പെടുത്തലയിരിക്കണം (1Corinthians 2:4).
• ശ്രശ്രൂഷകന്‍റെ  കഴിവുകളേയും പ്രശസ്തിയെയും വര്‍ണ്ണിച്ചു വശീകരിക്കുന്നവ ആയിരിക്കരുത് മറിച്ചു പശ്ചാത്താപം ഉണര്‍ത്തി, രക്ഷകനിലേക്ക് വഴി നടത്തുന്നവയായിരിക്കണം.(Acts 3:16).
• കെട്ടുകഥകളില്‍ കൂടി സന്തോഷം ജനിപ്പിക്കുന്നതായിരിക്കരുത് മറിച്ചു വിശ്വാസയോഗ്യമായ ദൈവവചനത്തിന്‍റെ ഉത്ബോധനമായിരിക്കണം.(1Thimothy4:9)
• കര്‍ത്താവിന്‍റെ ആദരങ്ങള്‍ കല്‍പ്പിക്കുകയും ആത്മാവ് ഒരുമിച്ചുകൂട്ടുകയും ചെയുന്ന വചനം, കര്‍ത്താവിന്‍റെ ഗ്രന്ഥത്തില്‍ കണ്ടുപിടിച്ച് വായിക്കണം (Isaiah 34:16).

യേശുക്രിസ്തുവിലുള്ള വിശ്വാസത്താല്‍   നിവേശിതമായ വിശുദ്ധലിഖിതം, പ്രബോധനത്തിനും ശാസനതിനും തെറ്റുതിരുത്തലിനും  നീതിയിലുള്ള വിശ്വാസ പരിശീലനത്തിനും കാരണമായി, അങ്ങനെ നിത്യരക്ഷ കൈവരിക്കാന്‍  പര്യാപ്തനുമാകട്ടെ......

ദൈവത്തിനു  നന്ദി.......

പൊന്ന്‌, മീറ, കുന്തിരുക്കം.

                           നൂറ്റാണ്ടുകള്‍ക്കുമുന്‍പ് ബെതലെഹേമിലെ വയലുകളില്‍  ആടുകളെ രാത്രി കാലങ്ങളില്‍ കാത്തുകൊണ്ടിരുന്ന ഇടയന്മാരോട്  കര്‍ത്താവിന്റെ ദൂതന്‍ ഇങ്ങനെ അരുളിച്ചെയ്തു "ദാവീതിന്‍റെ  പട്ടണത്തില്‍ നിങ്ങള്‍ക്കായി ഒരു രക്ഷകന്‍, കര്‍ത്താവായ യേശുക്രിസ്തു ഇന്ന് ജനിച്ചിരിക്കുന്നു"(ലുക്ക2:10).   ഡിസംബറിന്‍റെ  ഈ തണുത്ത യാമങ്ങളില്‍ ആ രക്ഷകന്‍റെ , ജനനത്തിന്‍റെ  ഓര്‍മകളില്‍ക്കൂടി കടന്നു പോകുമ്പോള്‍ എന്‍റെ   മനസ്സില്‍ കടന്നുവന്ന ചില ചിന്തകള്‍ ഇവിടെ പങ്കുവക്കട്ടെ...

ലോകത്ത്  ആദ്യമായി പേരെഴുതി കണക്കെടുക്കല്‍ നടത്തണം എന്ന്, അഗസ്റ്റസ്  സീസറിന്റെ  കല്പന പുറപ്പെട്ട സമയം. ദാവീദിന്‍റെ    വംശത്തിലും പട്ടണത്തിലും പെട്ടവനകയാല്‍, പേരെഴുതിക്കാനായി  പൂര്‍ണ്ണ ഗര്‍ഭിണിയായ മറിയത്തോടൊപ്പം ജോസഫ്‌ ബെതലെഹേമിലേക്ക് യാത്രയാകുന്നു. പ്രസവസമയം അടുത്തപ്പോള്‍, സത്രത്തില്‍ സ്ഥലം ലഭിക്കാത്തതിനാല്‍ കാലിത്തൊഴുത്തില്‍ കടിഞ്ഞൂല്‍ പുത്രനെ പ്രസവിച്ച്, പിള്ളക്കച്ചകളില്‍ പൊതിഞ്ഞ് പുല്‍ത്തൊട്ടിയില്‍ കിടത്തി ( ലുക്ക 2:7).

തുടര്‍ന്ന് മത്തായി സുവിശേഷം  പരിശോധിച്ചാല്‍ ജ്ഞാനികളുടെ സന്ദര്‍ശനം വിവരിച്ചിരിക്കുന്നതായി കാണാന്‍ കഴിയും(മത്തായി 2:1-2).

 ചിന്തകള്‍ ഇവയാണ് .....

• ആരാണ്  ആ  ജ്ഞാനികള്‍ ?  
• എവിടെനിന്ന് വരുന്നു ?                
• അവര്‍  എത്ര പേര്‍ ?               
• എന്നാണ് ശിശുവിനെ കാണാന്‍ വന്നത് ? 
• എന്തുകൊണ്ടാണ് അവര്‍ ശിശുവിന് പൊന്ന്‌, കുന്തിരുക്കം, മീറ എന്നിവ കഴ്ച്ചയര്‍പ്പിച്ചത്? 

 ചിന്തകള്‍ നിസ്സാരവും മാനുഷീകവും  എന്ന്  തോന്നിയേക്കാം . എന്നാല്‍ ദൈവവചനം ആത്മാവും ജീവനും ആകുന്നു (യോഹന്നാന്‍  6:63).വചനം പ്രസ്തവിക്കുന്നതുപോലെ വയലില്‍ ഒളിഞ്ഞിരിക്കുന്ന നിധിക്ക്  തുല്യമായി ( മത്തായി 13:44) എനിക്ക് ഈ ചിന്തകള്‍ തോന്നി.

പഴയനിയമ പുസ്തകങ്ങളുടെ  വിവിധ ഭാഗങ്ങളില്‍  ജ്ഞാനികളെക്കുറിച്ച്  പ്രതിപാതിച്ചിട്ടുണ്ട്.( ഉല്പത്തി 41:8, ദാനിയേല്‍ 2:12). കാലഘട്ടത്തിന്റെയും സാഹചര്യങ്ങളുടെയും  വ്യതിയാനങ്ങളെ മുന്‍ക്കൂട്ടി പ്രവചിക്കാന്‍ കഴിവുള്ളവനും, അങ്ങനെ രാജാവിനെയും, രാജ്യത്തിന്‍റെ യും ഉന്നമനത്തിന് സഹായിക്കുകയും  ചെയുന്നവനെ ജ്ഞാനി എന്ന് ബൈബിള്‍ രേഖപെടുത്തുന്നു ( ദാനിയേല്‍ 2:48). എന്നാല്‍ യേശുവിനെ കാണാന്‍ വന്ന ജ്ഞാനികള്‍ ഇവരില്‍ നിന്നും വ്യത്യസ്തരയിരുന്നു. ദൈവവചന  പ്രവചനത്തെക്കുറിച്ച് വ്യക്തമായ അറിവ് ഉണ്ടായിരുന്നു എന്നത് മാത്രമല്ല അതില്‍ വിശ്വസിക്കുകയും  ചെയ്തിരുന്നു. ദിവ്യ ശിശുവിനെ ദൈവീകവും, ഭവ്തീകവുമായി  തിരിച്ചറിഞ്ഞവര്‍ ആയിരുന്നു . തങ്ങളെതന്നെ  താഴ്ത്തി, അവന്റെ മുന്പില്‍ കുമ്പിട്ടു ആരാധിച്ചു, കാഴ്ച സമര്‍പ്പിച്ചവര്‍ എന്നതിനെക്കാള്‍ അതികമായി  മനുഷ്യനെക്കാള്‍  ഉപരി  ദൈവത്തെ അനുസരിക്കുന്നവര്‍ കൂടിആയിരുന്നു.( മത്തായി 2:11-12).

യേശുവിന്‍റെ   ജനനത്തിനുശേഷം  കിഴക്ക് കണ്ട നക്ഷത്രത്താല്‍ നയിക്കപ്പെട്ട്, ശിശുവിനെ ആരാധിക്കാന്‍ യൂദയായിലെ  ബെതലെഹേമിലേക്ക് എത്തിച്ചേര്‍ന്ന ജ്ഞാനികള്‍ പൌരസ്ത്യദേശത്ത് നിന്നാണ് വന്നതെന്ന് വചനം വെളിപെടുത്തുന്നു( മത്തായി 2:1). എന്നാല്‍ ഇവര്‍ ആരൊക്കെ എന്നോ , എത്രപേര്‍ എന്നോ വചനത്തില്‍ രേഘപ്പെടുതിയിട്ടില്ല. ഒരു പക്ഷെ, ഏതോ ഒരു കലാകാരന്‍റെ   ചിന്തയില്‍ ഉരുത്തിരിഞ്ഞ സൃഷ്ടിയില്‍കൂടി , ജ്ഞാനികള്‍ കാഴ്ചവച്ച വസ്തുക്കള്‍ മൂന്ന് ആയതിനാല്‍ അവര്‍ മൂന്ന് ജ്ഞാനികള്‍ എന്ന്, ദൈവവചനത്തില്‍ രേഘപെടുതാത്ത, തികച്ചും സങ്കല്‍പീകമായ  തെറ്റായ അറിവുകള്‍ നാം പുലര്‍ത്തിപോരുന്നു . അവര്‍ എന്ന് മാത്രം വചനത്തില്‍ രേഘപ്പെടുത്തിയിരിക്കുന്നതിനാല്‍ (മത്തായി 2:2, 2:11), ഒന്നില്‍ കൂടുതല്‍ പേര്‍  എന്നത് സ്പഷ്ട്ടം .

ജ്ഞാനികള്‍ എന്നാണ് വന്നത് എന്ന് വ്യക്തമല്ല .  ജ്ഞാനികള്‍ ശിശുവായ യേശുവിനെ ആരാധിക്കുന്നത് ഭവനത്തില്‍ വെച്ചെന്നു ( മത്തായി 2:11) വചനം പറയുന്നു. യഹൂദ ആചാരപ്രകാരം ശിശുവിന് എട്ട് ദിവസം പ്രായമാകുമ്പോള്‍  പരിചെദനകര്‍മ്മവും പേരിടലും നടക്കണം ( ലൂക്കാ 2:21) .യേശുവിന്റെ പേരിടല്‍ കര്‍മ്മത്തിന് ശേഷമാണ് ജ്ഞാനികളുടെ സന്ദര്‍ശനത്തെക്കുറിച്ച് ബൈബിളില്‍  രേഘപ്പെടുതിയിരിക്കുന്നത്(മത്തായി 1:25). മാത്രവുമല്ല  ജ്ഞാനികളാല്‍  കബളിപ്പിക്കപെട്ട  ഹേറോദോസ്  രോഷാകുലനായി  രണ്ടും അതില്‍ താഴെയുമുള്ള എല്ലാ അണ്‍കുട്ടികളെയും വധിക്കുവാന്‍ അയക്കുന്നുണ്ട്(  മത്തായി 2:16).

ഈ   മൂന്നു  വചന പ്രതിപാതനത്തിന്‍റെ അടിസ്ഥാനത്തില്‍ യേശുവിന്‍റെ  ജനനത്തിനു  എട്ട് ദിവസത്തിന് ശേഷം, രണ്ട് വയസിനു ഉള്ളില്‍ ആയിരുന്നു     ജ്ഞാനികളുടെ സന്ദര്‍ശനം എന്ന് അനുമാനിക്കാം.

പിള്ളക്കച്ചകളില്‍ പൊതിഞ്ഞ് പുല്‍ത്തൊട്ടിയില്‍ കിടക്കേണ്ടിവന്ന ശിശുവിന്  ഒരുപക്ഷെ നല്ല വസ്ത്രമോ, മറ്റുള്ള സൌകര്യങ്ങളോ അല്ലെ  ചെയ്തു കൊടുക്കേണ്ടിയിരുന്നത് ??? തികച്ചും ശരിയും, മാനുഷീകവുമായ ചിന്ത .....

പൊന്ന് :  അന്നും ഇന്നും വിലപ്പെട്ട ഒരു വസ്തു തന്നെയാണ്. ഭൂമിയുടെ അന്തര്‍ഭാഗങ്ങളില്‍നിന്നും   ഖനനം ചെയ്തെടുക്കാന്‍ ഇന്നത്തേത് പോലെയുള്ള സൌകര്യങ്ങള്‍ ഉണ്ടാകാതിരുന്നതിനാല്‍ പൊന്ന്(സ്വര്‍ണ്ണം) രാജാവിന്റെയും രാജകീയ  പ്ര്വൌടിയുടെയും അടയാളമായിരുന്നു(ഏശായ്യാ 60:1-9,  2ദിനവൃത്താന്തം  9:20) .

ശരിയാണ്;അവന്‍ ഒരു രാജാവ്‌ തന്നെയാണ് .ദുഷിച്ച ചിന്തയും ഭാവനയും നിറഞ്ഞ ( ഉല്പത്തി 6:5) ഈ ലോകത്തിലെ രാജവാകനല്ല  (യോഹന്നാന്‍ 18:36) മറിച്ച്  ദൈവരാജ്യം  മനുഷ്യന്റെ ഹൃദയത്തില്‍ സൃഷ്ട്ടിക്കാന്‍, അങ്ങനെ  പാപം മൂലം മനുഷ്യന് നഷ്ട്ടപ്പെട്ട നിത്യജീവന്‍ നേടിത്തരാന്‍, ഈ ലോകതിലെക്കുവന്നവന്‍.... ഈ ലോകത്തെ വിധിക്കാന്‍ അധികാരമുള്ള ( യോഹന്നാന്‍ 5:27), രാജാക്കന്മാരുടെ  രാജാവ്‌ ആണവന്‍ ‌(വെളിപാട്‌ 17:14). 

ജ്ഞാനികള്‍ പൊന്ന് കാഴ്ചവെച്ചതില്ലോടെ  അവനിലുള്ള  ദൈവീക രാജകീയ അധികാരത്തെ വെളിപെടുത്തുന്നു.  

കുന്തിരുക്കം:  യേശുവിന്‍റെ  ജനനകാലഘട്ടത്തില്‍  കുന്തിരുക്കം എന്നത് അറേബ്യന്‍ രാജ്യങ്ങളില്‍ കൂടുതലായി  കണ്ടുവന്നിരുന്ന (   ഏശായ്യാ 60:6, ജെറമിയ 6:20) വിലപിടിപ്പുള്ള  ഒരു വാണിജ്ജ  വസ്തു ആയിരുന്ന. ബോസവേല്ലിയ(Boswellia) എന്നാ മരത്തിന്റെ കട്ടിയുള്ള പശ(കറ) ഉണക്കി ഖരരൂപതിലാക്കിയാണ്   കുന്തിരുക്കം സാധാരണയായി ഉപയോഗിക്കുന്നത് . എങ്കിലും ദ്രാവക രൂപത്തില്‍  കുന്തിരുക്കം ചില ചികിത്സ രീതികള്‍ക്കും ഉപയോഗിച്ചുവരുന്നു .

ബൈബിളില്‍  വിവധയിടങ്ങളില്‍  കുന്തിരുക്കത്തിന്‍റെ  പ്രധാനിത്യത്തെകുറിച്ച്  പ്രതിപതിച്ചിട്ടുണ്ട് . പ്രധാനമായും സമാഗമകൂടാരത്തില്‍ ദൈവീക മഹത്വം നിറഞ്ഞിരിക്കുന്ന സാഷ്യപേടകത്തിന്നു  മുകളിലുള്ള  ക്രിപാസനതിന്റെയും , സാഷ്യപേടകത്തെ  മറക്കുന്ന തിരശീലയുടെയും മുന്‍പില്‍ ധൂപപീഠം ( പുറപ്പാട്30:6 , 30:37 )  സ്ഥാപിക്കുന്നതായി  നമുക്ക് കാണാന്‍ കഴിയും. കുന്തിരുക്ക ധൂപാര്‍ചന  പ്രാര്‍ത്ഥനയുടെ  ഭാഗമായ്യും( സങ്കിര്‍ത്ത 141:2) , കുന്തിരുക്കം ധൂപപീഠത്തില്‍  ഉപയോഗിക്കേണ്ട  രീതികളെക്കുറിച്ചും  (പുറപ്പാട്30:34-37,  ലേവ്യര്‍10:1) വെളിപ്പെടുതുന്നതിനോടുപ്പം   ദൈവത്തിന്നു സ്വീകാര്യമായ ധാന്യ ബലി  അര്‍പ്പണത്തില്‍ ( ലേവ്യര്‍2:1, 2:16, 6:15)  കുന്തിരുക്കത്തിന് വളരെയേറെ പ്രതാന്യമുള്ളതായും വചനത്തില്‍ കാണുവാന്‍ കഴിയും . 

ചുരുക്കിപ്പറഞ്ഞാല്‍ ജ്ഞാനികള്‍ സമര്‍പ്പിച്ച  കുന്തിരുക്കം  യേശുവിലുള്ള ദൈവീകതയെ, ദൈവീക പരിശുദ്ധിയെ  വെളിപെടുത്തുന്നു.

മീറ : പഴയനിയമ  കാലഘട്ടത്തില്‍   ചെങ്കടലിന്റെ  പ്രാന്തപ്രദേശങ്ങളില്‍ കൂടുതലായി  കണ്ടുവന്നിരുന്ന കംമിഫോര (commiphora)  എന്നാ മരത്തിന്റെ പശ(കറ)യില്‍ നിന്നാണ് മീറ  ഉണ്ടാകിയിരുന്നത് . കാഴ്ച്ചയില്‍ കുന്തിരുക്കം  പോലെ തൊന്നുമെങ്കിലും  വാണിജ്ജ സാധ്യതകള്‍ വളരെ ഏറെ ആയിരുന്നു. സുഗന്ധം പരത്തുന്ന വിലപിടിപ്പുള പേര്‍ഫ്യും  ഉണ്ടാക്കാന്‍    (ഉത്തമഗീതം 3:6, 4:14) മീറ ഉപയോഗിചിരുന്നതിന്നല്‍ ഇതിനെ സുഗന്ധ പശ ( ഉല്പത്തി 37:25) എന്ന് അറിയപെട്ടിരുന്നു. ആ കാലഘട്ടത്തില്‍ സൗന്ദര്യ വര്‍ധന ലേപനമായി മീറ ഉപയോഗിച്ചിരുന്നതായി     (എസ്തേര്‍ 2:12) നമുക്ക് ബൈബിളില്‍ കാണാന്‍ കഴിയും. 

ചരിത്ര പ്രതാന്യമുള്ള  മമ്മികളുടെ(Egyptian mummy) രൂപികരണ പ്രക്രിയയില്‍ അവ കലാപഴക്കത്തല്‍ അഴുകി നശിച്ചു പോകാതിരിക്കാന്‍(embalm) മീറ ഉപയോഗിച്ചിരുന്നതായി  ചരിത്രം രേഘപെടുത്തുന്നു . യേശുവിന്‍റെ  സംസ്ക്കര സമയത്ത്  നിക്കോദെമൂസ് മീറ കൊണ്ട് വരികയും അവ കച്ചയില്‍ പൊതിഞ്ഞതുമയി   ( യോഹന്നാന്‍  19:39-40)  ബൈബിളില്‍ രേഖപ്പെടുത്തിയിട്ടുണ്ട്. ഉയര്‍പിനുശേഷം യേശു ശിഷ്യ്നമാര്‍ക്ക്, ജീവിക്കുന്നവന്നായി തെളിവുക്കള്‍ നല്‍കി കൊണ്ട് പ്രത്യഷപെട്ടു ( അപ്പ.പ്രവര്‍ 1:3, യോഹന്നാന്‍ 20:27)എന്ന് വചനം സാക്ഷ്യം നല്‍കുന്നു.

ശിശുവായ യേശുവിനു ജ്ഞാനികള്‍ അര്‍പിച്ച കാഴ്ചകള്‍‍, പാപം ചെയ്യാത്തവനെങ്കിലും  പാപികളോട്കൂടെ എണ്ണപ്പെടുക്കയും പാപഭാരം വഹിക്കുകയും ചെയ്ത ( ഏശായ്യാ 53:12) യേശുവിന്റെ, ഒരിക്കലും നശിക്കാത്ത, കൃപയും സത്യവും നിറഞ്ഞ(യോഹന്നാന്‍ 1:14),വചനം മംസമായ ശരീരത്തെ - യേശുവിന്റെ പുനരുത്ഥാനത്തെ സൂചിപ്പിക്കുന്നു.

 അങ്ങനെ  ശിശുവായ യേശുവിനെ കാണാന്‍ പ്വൌരസ്ത്യദേശത്ത്  നിന്നും വന്ന ജ്ഞാനികള്‍ കാഴച്ചവച്ച, പൊന്ന്  - ദൈവീക രാജകീയ അധികാരത്തെയും കുന്തിരുക്കം-ദൈവീക പരിശുദ്ധിയെയും, മീറ - യേശുവിന്റെ പുനരുത്ഥാനത്തെയും  പ്രതിനിതാനം ചെയുന്നു 

നിനക്കായി ജനിച്ച രക്ഷകന്‍റെ  ഓര്‍മ്മകളില്‍ക്കൂടി കടന്നുപോകുമ്പോള്‍, സുഹ്രത്തെ ഒന്ന്ചൊതിച്ചൊട്ടെ....... 

യഥാര്‍ത്ഥത്തില്‍ അവന്‍ നിന്റെ രക്ഷകനയോ?

അവന്‍റെ  രക്ഷയെ നിനക്ക് അനുഭവിക്കാന്‍ കഴിഞ്ഞിട്ടുണ്ടോ? നിത്യരക്ഷയിലെക്ക്,നിത്യജീവനില്ലേക്ക് എത്തപ്പെടുവാന്‍ അന്തരീകമായി കാത്തിരിക്കുകയാണോ( റോമ 8:23) ?? 

ഈ അനുഭവത്തില്ലേക്ക് നിങ്ങള്‍ കടന്നു വന്നിട്ടില്ലയെങ്കില്‍, ഇപ്പോഴും യേശു  പിള്ളക്കച്ചകളില്‍ പൊതിഞ്ഞ് പുല്‍ത്തൊട്ടിയില്‍ തന്നെയാണ്. 

ഒരു നിമിഷം ചിന്തിക്കുക ....

നിന്‍റെ ബുദ്ധിക്കു അതീതവും, നിഗൂഡവുമായ കാര്യങ്ങള്‍ വെളിപ്പെടുതിക്കിട്ടുവാന്‍ ( ജെറെമിയ 33:3) നിന്‍റെ  ഹൃദയവും കരങ്ങളും സ്വര്‍ഗ്ഗത്തില്ലേക്ക് ഉയര്‍ത്തുവിന്‍ ( വിലാപങ്ങള്‍ 3:41).

ഇതാ,ഇപ്പോള്‍ സ്വീകാര്യമായ സമയം.(2കൊറി6:2)  ഇതാ,ഇപ്പോള്‍ രക്ഷയുടെ ദിവസം... 

                                                                അമ്മേന്‍ .................